Безнең мәктәп укучылары  Бөек Ватан сугышы ветераны Зиганшин Әгзам абыйга әйләнә тирәсен чүп-чардан арындырырга ярдәм итәләр.

Кыш көне ашханәдә тәмле ризыклар, витаминлы салатлар ясар өчен мәктәп бакчасында барлык төр яшелчәләр дә үстерелде. Кишер аеруча зур уңыш бирде. Укучылар үзләре үстергән яшелчәләрне куана-куана җыялар.

Безнең мәктәп бачасында кыш буена ашарлык кәбестә үстерелә. Мәктәп ашханәсендә көн саен витаминлы кәбестә салаты әзерләнә.

Мәктәп бакчасында үстерелгән яшелчәләрне дөрес итеп саклый да белергә кирәк. Мәсәлән, кишерләрне башта дөрес итеп сабакларын кисеп җилләтеп киптерергә, аннары гына кышкы саклау урынына урнаштырырга кирәк. Мәктәп бакчасында эшләгәндә укучылар барысына да үз хезмәтләре аша өйрәнәләр.

Безнең мәктәп укучылары авыл уртасындагы, Бөек Ватан сугышында һаләк булган авылдашлар истәлегенә куелган һәйкәл-обелиск тирәсен ел дәвамында чистартып, тәртипкә китереп торалар. Бу эш укучыларда патриотизм тәрбияли.

Башлангыч сыныф укучылары ел дәвамында төрле мәдәни  учакларда, музейларда, истәлекле урыннарда, театр, кино, концертларда  булганда үзләре белән "Мәдәни көндәлек" ләрен алап барырга тиешләр. Барган җирләрендә көндәлеккә беркетмә язылырга тиеш.Шул рәвешле укучылар мәдәният белән якыннанрак таныша алалар.