Бүген безнең мәктәптә 6 нчы сыйныф  тимурчыларын "Юнармия" сафларына кабул итү тантанасы булды. Бу тантанага Биектау районының хәрби комиссары А.Л.Найденов  килде.Шулай ук Биектау районы "Юнармия" хәрәкәте  штабы җитәкчесе Забиров Инсаф яшь "Юнармия"челәрнең хәрби антын кабул итте, значоклар такты. А.Л.Найденов  удостоверениелар тапшырды.

Бүген "Россия информатиклары көне".  "Час кода" дип аталган Бөтенроссия белем акциясе менә дүртенче ел инде  билгеләп үтелә. Шул уңайдан безнең мәктәптә бу чара бик истә калырлык булып үтте. Укучылар видеороликлар карадылар,"Час кода" чарасының нилектән шулкадәр әһәмиятле булуына программистлар мөрәҗәгате аша  төшенделәр.

Бүген мәктәбебез укучылары әниләргә бик куңелле һәм эчтәлекле концерт куйдылар. Җырлар, биюләр  төрле уеннар белән урелеп барды.  Тамашадан соң әниләрне тәмле ризыклар белән сыйланырга ашханәгә чакырдылар. Күңелле бәйрәм кичәсе оештырган өчен укытучы Абдрахманова Гүзәл Илдар кызына һәм  әзерләүдә катнашкан башка укытучыларга мәктәп  җитәкчелеге зур рәхмәтен белдерә һәм катлаулы эшләрендә зур уңышлар тели.. 

Бүген безнең мәктәптә ата-аналар җыелышы булды. Җыелышта укучыларны өлгереше, тәртибе, укучыларның ашау мәсьәләләре каралды. Доклад белән математика һәм информатика укытучысы Зәбирова Даймә Мөхтәр кызы чыгыш ясады. Ул ата-аналарны "Госуслуги сайтында бердәм шәхси кабинет" белән таныштырды, сайттан, шәхси кабинет мөмкинлекләреннән файдаланырга өйрәтте. Җыелышның төп өлешеннән соң ата-аналар сыйныф җитиәкчеләре белән очраштылар. 9 нчы сыйныф ата-аналары имтиханга әзерләүче укытучылар белән очраштылар.

Бүген район үзәгендә "Яшь гражданнар" форумы булып узды. Бу форумда безнең мәктәпнең 7-9 сыйныф укучылары да катнашты.

Безнең мәктәп укучылары "Әниләр көне"нә әзерлекне башлап җибәрделәр инде. Алар Әниләргә бүләк итәргә төрле открыткалар, сувенирлар ясыйлар.

Башлангыч сыйныф укучыларының Әниләренә бүләкләре әзер инде.

Мәктәбебез  укучылары  арасында "Интернетта куркынычсызлык" темасына конкурс булып узды . Конкурска укучылар рәсемнәре, плакатлары , шигырьләре белән катнаштылар.

6 нчы, 8 нче , 9 нчы сыйныф укучылары аеруча актив булдылар.

Бүген Биектау мәдәният йортында Халыклар бердәмлеге көненә багышланган     "ВАТАН"  VII  район  фестиваль-конкурсы булып узды. Безнең мәктәпнең башлангыч сыйныф укучылары "Хореография" номинациясендә  2 нче дәрәҗә лауреат исеменә лаек булдылар.

 Укучыларны һәм җитәкчеләрен  җиңү белән котлыйбыз , зур уңышлар телибез!

Бүген Биектау мәдәният йортында Халыклар бердәмлеге көненә багышланган     "ВАТАН"  VII  район  фестиваль-конкурсы булып узды. Безнең мәктәпнең урта сыйныф укучылары "Хореография" номинациясендә  3 нче  дәрәҗә лауреат исеменә лаек булдылар.

 Укучыларны һәм җитәкчеләрен  җиңү белән котлыйбыз , зур уңышлар телибез!