Бүген берече сыйныфларның Әлифба бәйрәме булды. Алар беренче укытучылары Идрисова Хәлидә апалары белән әлифбаны уңышлы гына тәмамладылар.

Бүген 3 нче чирек нәтиҗәләре буенча ата-аналар җыелышы булды. "Сәламәт яшәү серләре" темасы белән Абдрахманова Гүзәл чыгыш ясады. Шулай ук авыл фельдшеры  Шәйхетдинова Миләүшә  хәзерге вакытта еш очрый торган авырулар турында сөйләде. Ата-аналарны  3 нче чирек нәтиҗәләре белән завуч Нәҗметдинова Лилия таныштырды.

1 нче апрель - Бөтендөнья кошлар көне. Шул уңайдан мәктәптә кошлар көне уздырылды.  Биология укытучысы Абдрахманова Гүзәл "Кошлар иленә сәяхәт" дигән конкурс уздырды. Конкурста "Шәүлегән" һәм "Уткойрык" командалары ярышты.

Кичәнең кульминацион моменты булып укучылар алып килгән кош ояларына конкурс булды. "Чулпан" заказнигы инспекторлары Гыймадиев Фәнил һәм Шакиров Рафис абыйлары алып килгән дипломнар һәм китаплар җиңүчеләргә бүләк итеп бирелде. Ахырдан укучылар повар Гөлия һәм Ләлә апалары пешергән карга боткасыннан авыз иттеләр.

Мәктәп укытучылары бертөрле формадан йөри башладылар.

Дүшәмбедән укучылар язгы каникулга китәләр. Шул уңайдан мәктәптә линейка уздырылды. Шулай ук линейкада Кит һәм Эверест конкурсларында катнашучыларны  бүләкләделәр.

18 нче март көнне Олы Битаман гомуми белем мәктәбендә якташ язучы Рафис Корбан иҗатын өйрәнүгә багышланган I район конференциясе узды. Анда мәктәптән 6нчы сыйныф укучысы Насыйбуллина Лиана иҗади эшләр номинациясендә "Туган авылым-Кавалым" дигән эссе белән катнашты. Лиананы конференциягә укытучысы Насыйбуллина Энҗе әзерләде.

Оборона-масса айлыгында ел саен уздырыла торган "Аҗаган" уенына эзерлек кызу темплар белән бара. Командалар биатлон буенча көч сынашалар.