Бүген мәктәбебезнең 9нчы сыйныф укучылары өчен соңгы кыңгырау бәйрәме булды. Аларга имтиханнарда һәм киләчәк тормышларында зур уңышлар телибез.

18 нче май - музейлар көне. Шул уңайдан  укучылар мәктәп  музеенда булдылар. Тарих укытучысы Насыйбуллин Зөлфәт абыйлары музей экспонатлары белән таныштырды.

9 нчы май көнне Биектау  районында Бөек Җиңүнең 71 еллыгына багышланган бәйрәм парады булып узды. Анда мәктәп укучылары һәм укытучылары катнашты. 

Бүген Бөек Җиңүнең 71 еллыгына багышланган митинг булып узды. Җитәкчеләр һәм мәктәп укучылары Бөек Ватан сугышы  һәм тыл ветераннарын  котладылар.  Укучылар музыкаль монтаж куйдылар. "Үлемсез полк" акциясендә катнаштылар.

1 нче май көнне Биектау районында бәйрәм хөрмәтенә эстафета ярышы  оештырылды. Өлкән сыйныфлар  арасында мәктәп укучылары Әхмәдуллина Зөһрә, Низамова Әдилә, Шакиров Рамил һәм Сафин Маратлар 3 нче урын алып кайттылар. Аларны котлыйбыз!

Бүген Тукай әсәрләренә укучылар иҗат иткән рәсемнәр конкурсы булды. Җиңүче укучыларның рәсемнәреннән күргәзмә оештырылды.

Бүген татар халкының бөек шагыйре Габдулла Тукайның тууына 130 ел уңаеннан районда "Туган телем - Тукай теле" исемле шигырь конкурсы булды. Анда мәктәптән Насыйбуллина Лиана Г. Тукайның "Милли моңнар" шигыре белән катнашты.

Бүген татар халкының бөек шагыйре Габдулла Тукайның тууына 130 ел. Шул уңайдан мәктәптә "Син сазыңны уйнадың" исемле чара үткәрелде. Кичәдә бөек шагыйрьнең тормыш һәм иҗат юлы искә алынды, шигырьләре сөйләнде. Чара "Туган тел" җыры белән тәмамланды.

Бөтенроссия субботнигында чишмә буйларын, авыл территориясен һәм  мәктәп янын чүп-чарлардан чистарттык. Агачларны, поребрикларны агарттык.

Бүген мәрхәмәтлелек атнасының "Георгий лентасы" көне. Шул уңайдан кешеләргә Георгий лентасын тарату башланды.