Бу атнада югары квалификацион категорияле тәрбияче Йосыпова Г.Ф. балалар бакчасындагы хезмәттәшләренә туган (татар) телендә сөйләм формалаштыру буенча «Татар мемо»исемле авторлык уенын тәкъдим итте. Уен мәктәпкәчә яшьтәге балаларның сөйләм үсеше үзенчәлекләрен исәпкә алып эшләнгән һәм лексиканы ныгытуга, аудиовербаль хәтерне, игътибарны һәм бәйләнешле сөйләм үстерүгә юнәлдерелгән. Уенның үзенчәлеге -  уенда милли сүзләр, мәкальләр, әсәрләрнең атамалары, шулай ук халык иҗаты элементлары кулланыла. Уенда катнашу сөйләм үсешенә генә түгел, балаларда туган телгә карата уңай мөнәсәбәт, татар мәдәнияте белән горурлану хисе формалашуга да ярдәм итә. Уен тәрбиячеләрдә җанлы кайтаваз уятты-күпләр инде әлеге уенны белем бирү процессына кертергә планлаштыра.

Бүген зурлар төркеме командасы (педагоглары Вәлиева К.и. һәм Гайбадуллина м. ф.) "Эко - киләчәк: яшел һөнәрләр" район экологик бәйгедә катнашты. Һәм алар катнашып кына калмадылар, ә чын җиңүчеләр булдылар! "Акыллы бакча" проектын яклаган өчен "Сити фермер" командасына 1 нче дәрәҗә диплом белән бүләкләнделәр.

24нче март көнне Теләче 2нче балалар бакчасы базасында "Мәктәпкәчә оешмада полилингваль белем бирүне оештыруга заманча алымнар" темасына тәрбиячеләр өчен район семинары узды. Семинар кысаларында шөгыльләр, мастер-класслар һәм балалар белән театральләштерелгән тамашалар оештырылды. ​Тәкъдим ителгән материал семинарда катнашучыларда зур кызыксыну һәм күрсәтелгән эш ысулларын һәм формаларын үз оешмаларында куллану теләген уятты.

19 марта в Казани состоялась торжественная церемония награждения победителей конкурса грантов «Лучший билингвальный детский сад-2026». Это большое и значимое событие для всего дошкольного образования республики!В конкурсе приняли участие 37 дошкольных организаций, и только 20 из них стали обладателями гранта в размере 500 000 рублей. И мы с гордостью сообщаем, что Тюлячинский детский сад №2 вошёл в число победителей! Диплом победителя на церемонии получила наша заведующая — Хасаншина Фарида Фаннуровна. Это высокая оценка работы всего нашего дружного коллектива педагогов, специалистов и, конечно, наших талантливых воспитанников!Этот грант — не просто победа, а новые возможности для развития:
Современные методики и материалы для билингвального образования.
Улучшение образовательной среды для наших детей.
Дальнейшее повышение качества обучения и воспитания.Мы благодарим всех, кто вкладывает душу в развитие нашего сада! Поздравляем коллектив, родителей и наших ребят с этой заслуженной победой! Вместе мы создаём лучшее будущее для наших детей!

Балалар бакчасында төзелеш материаллары белән уеннар-балалар техник иҗатының кызыклы формасы, ул балаларның актив хәрәкәте һәм интеллектуаль эшчәнлеге өчен мөмкинлекләр ача. Шулай ук төзелеш материаллары кулланып шөгыльләр уздыру һәр сабыйга үзенең конструктив сәләтләрен ачарга, логик фикерләүне, күзаллауны, мөстәкыйльлекне һәм аралашу күнекмәләрен үстерергә, ә тәрбиячеләргә балаларны техник иҗат белән мавыктырырга мөмкинлек бирә. Бу уеннар балаларда зур эмоциональ күтәренкелек тудыра, үзе башкарган эш нәтиҗәсенә канәгатьләнү уята.

 Безнең Теләче 2нче балалар бакчасына йөрүче балалар да төзелеш материаллары белән төрле корылмалар төзеп уйнарга яраталар.

Бүген безнең яшь спортчылар үзләренең беренче «кечкенә чаңгы юлларын» яуладылар! Безнең җитез чаңгычылар Фәтхуллина Амаль һәм Әхмәтвәлиева Диләрә, Маракова Раян белән Ахваров Әхмәд өчен бу бәйге беренче чын сынау булды. Һәм алар бик яхшы чыгыш ясадылар! Җитезлек кенә түгел, ә чын спорт характеры, җиңүгә омтылыш һәм ышанмаслык позитив заряд күрсәттеләр. Һәркем дистанцияне лаеклы узды, ә иң мөһиме — үзе белән шатлык һәм якты хисләр диңгезен алып китте. Балалар без сезнең беренче җитди стартыгыз белән горурланабыз! Ата-аналарга ярдәмнәре, җылы сүзләре һәм балаларына ышанычлары өчен аерым рәхмәт. Без бергәләп көчле, сәламәт һәм бәхетле спортчылар үстерәбез!Сезгә җиңел чаңгы юлы, яңа стартлар һәм алда бары тик җиңүләр генә телибез!