Электронное образование Республики Татарстан

 Бүген безнең балалар бакчасында Кошлар көненә багышланган чаралар узды.

 Ел саен 1 апрельдә бөтен планета Халыкара кошлар көнен билгеләп үтә. "Орнитология" бәйрәмен үткәрү датасы очраклы гына сайланмаган, чөнки бу вакытта җылы яклардан күчмә кошлар кайта. Кошлар безнең табигатебезнең бер өлеше булып тора. Кая гына карасак та, без кошларны күрәбез. Алар-безнең тугры ярдәмчеләребез, урманнарны, кырларны, бакчаларны корткычлардан саклаучылар. Кошлар-яз хәбәрчеләре, алар ел саен алар безгә үз канатларында яз алып киләләр. Аларның моңлы, күңелле, яңгыравыклы җырлары, якты каурыйлары табигатьне җанландыра, безгә дәрт һәм шатлык өсти.

 Бу көнне безнең балалар бакчасында тәрбияләнүчеләр бик күп кызыклы мәгълүмат белделәр: нинди канатлы дуслар ел буе безнең белән янәшә яшиләр, ә кайсылары яз көне җылы яклардан кайталар. Балалар табышмакларга җаваплар таптылар, кошлар турында кечкенә хикәяләр уйлап таптылар, кроссворд чиштеләр, җырлар җырладылар, шигырьләр укыдылар. 

 Чара ахырында, канатлыларны сакларга һәм алар турында кайгыртырга вәгъдә иттеләр.

Бүген "Теләчеинформ" мәгълүмат үзәге, биоресурслар үзәге һәм Шәтке мәктәбе белән берлектә уздырылган "Иң шәп сыерчык оясы" бәйгесенә нәтиҗә ясалды.

Безнең балалар бакчасыннан да әлеге бәйгедә катнашып лаеклы урыннар алучылар бар. Алар бүген Шәтке мәктәбендә узган бүләкләү тантанасында катнашып, "карга боткасы" белән сыйландылар.