Узган атнада мәктәп укучылары арасында теннис ярышы узды.Башлангыч укучылары үзләре көч сынаштылар, өлкән сыйныф укучылары аерым ярыштылар.Барлык укучылар да актив булдылар.Соңыннан җиңгән укучыларга грамоталар, кыйммәтле бүләкләр тапшырылды.

25 нче октябрь көнне мәктәптә Парламент дәресе узды.Анда авыл җирлеге башлыгы, депутат Газизов Данияр Әнвәр улы да катнашты,ул  укучылар алдында чыгыш ясады.Соңыннан аларны кызыксындырган сорауларга җавап бирде.

Узган атна шимбәсендә район үзәгендә авыл хуҗалыгы ярминкәсе булып узды.Анда безнең мәктәп тә актив катнашты.

Мәктәптә "Көзге бал" узды.Аны 6 нчы сыйныф укучылары Мирсәетова Әнисә Мөнир кызы җитәкчелегендә оештырды.Укучылар бу кичәгә күптән әзерләнделәр."Иң матур көзге букет", "Яшелчәләрдән эшләнмәләр" конкурсларында барлык сыйныфлар да актив катнаштылар.Һәрбер эш үзенчәлекле итеп ясалган иде.Укучылар яшелчәләргә рекламалар да күрсәттеләр.Бәйрәм көз турында матур шигырьләр, җыр-биюләр белән үрелеп алып барылды.

17 нче октябрь көнне мәктәпкә район мәгариф бүлеге психологы Миргасимова Гөлгенә Равил кызы килде.Ул 1, 5 сыйныф укучылары белән очрашты.Бу укучылар адаптация чорын узалар.Шуңа бәйле рәвештә Гөлгенә Равилевна балаларга психологик тест уздырды.

Көзнең иң матур мәленә аяк бастык.Алтын-сары яфраклар салмак кына бөтерелеп җиргә төшәләр."Яфраклар ява, яфрак яңгыры!"-дип сөенечләрен белдерәләр саф һавага уйнарга чыккан бакчабыз нәниләре.

Узган атнада районның "Старт" чаңгы үзәге оештырган кросста катнашып, мәктәбебез кызлары җиңү яуладылар.2006-2007 нче елгы кызлар арасында 5 сыйныф укучысы Михайлова Мәдинә-I урын, 4 сыйныф укучысы Зарипова Мәрьям-III урынны алды.Республикакүләм, районкүләм җиңү яулаган мәктәбебез укучыларына быел икеләтә уңыш елмаячак.Чөнки физкультура укытучысы Ашрафуллин Марат Айрат улы үз инициативасы белән җиңгән укучыларны мәктәптә дә бүләкләячәк.Берничә укучыбыз мондый бүләкне алырга да өлгерде инде.Бу яңалык укучыларга алга таба спорт өлкәсендә тагын да югарырак күрсәткечләргә ия булу өчен зур этәргеч булып торачак.

Өлкән сыйныф укучылары узган атнада бакчада эшләделәр.Алар сөрелгән җирне тырмалап түтәлләр ясадылар, сарымсак утырттылар.