9 сыйныфларда бердәм дәүләт имтиханына әзерлек эшләре оешкан төстә алып барыла.Укучылар рус теле, математика, физика, җәмгыять белеме, информатика, биология, татар теле фәннәреннән консультацияләргә йөриләр.

Укучылар ялгыз әби-бабайлар  янына даими барып хәлләрен белешәләр, йорт эшләрендә ярдәм итәләр.Бу атнада 9 сыйныфлар Шәймәрданова Оркыя әби янында булдылар.

Узган атнада мәктәп укучылары арасында теннис ярышы узды.Башлангыч укучылары үзләре көч сынаштылар, өлкән сыйныф укучылары аерым ярыштылар.Барлык укучылар да актив булдылар.Соңыннан җиңгән укучыларга грамоталар, кыйммәтле бүләкләр тапшырылды.

25 нче октябрь көнне мәктәптә Парламент дәресе узды.Анда авыл җирлеге башлыгы, депутат Газизов Данияр Әнвәр улы да катнашты,ул  укучылар алдында чыгыш ясады.Соңыннан аларны кызыксындырган сорауларга җавап бирде.

Узган атна шимбәсендә район үзәгендә авыл хуҗалыгы ярминкәсе булып узды.Анда безнең мәктәп тә актив катнашты.

Мәктәптә "Көзге бал" узды.Аны 6 нчы сыйныф укучылары Мирсәетова Әнисә Мөнир кызы җитәкчелегендә оештырды.Укучылар бу кичәгә күптән әзерләнделәр."Иң матур көзге букет", "Яшелчәләрдән эшләнмәләр" конкурсларында барлык сыйныфлар да актив катнаштылар.Һәрбер эш үзенчәлекле итеп ясалган иде.Укучылар яшелчәләргә рекламалар да күрсәттеләр.Бәйрәм көз турында матур шигырьләр, җыр-биюләр белән үрелеп алып барылды.