29 сентябрь көнне балалар бакчасына "Шәфкать" үзәгеннән "Юлбарыс" кунакка килде.Ул балаларга төрле конкурслар оештырды, күчтәнәчләр белән сөендерде.Һәр бала да актив булды.Нәниләргә  бу очрашуны оештырган "Шәфкать"кә бакча хезмәткәрләре дә, әти-әниләр дә рәхмәтле.

Мәктәп укучылары ялгыз яшәүче әби-бабайлар янына даими рәвештә барып хәлләрен беләләр, йорт эшләрендә ярдәм итәләр.5 нче сыйныф укучылары Насибуллина Гөлнара Миннешәех кызы җитәкчелегендә шефлыкка алган Сәлимгәрәева Җәннәт апа янында булдылар, аны якынлашып килүче Өлкәннәр көне белән тәбрик иттеләр.

Бу уку елында бакчага йөрүче нәниләр яңа бина белән беррәттән яңа мәйданчыклы да булдылар.Уен мәйданчыгы-балаларның иң яраткан урыннары.

Укучылар белән куркынычсызлык кагыйдәләрен өйрәнү буенча дәресләр даими алып барыла.Ярты ел саен бу өйрәнүләр практикада сынала.Бүген дә мәктәптә эвакуация оештырылды.Тревога сигналы бирелүгә барлык укучылар, укытучылар, техник хезмәткәрләр үз вакытында тәртип белән мәктәп ишегалдына чыгып тезелделәр.

Бакчага йөрүче нәниләр дә олы абый-апаларыннан калышмадылар.

Укучылар тәнәфесләрне сәламәтлеккә файдалы булырлык итеп уздыралар.Алар саф һавада төрле хәрәкәтле уеннар, футбол уйнап кергәч дәресләрдә дә актив.

Бүген, ягъни 25 сентябрь көнне район мәдәният йортында "Ак калфак" татар хатын-кызлары җәмгыятенең чираттагы утырышы узды.Бу чарада кул эшләре күргәзмәсе белән безнең мәктәп тә катнашты.

21 сентябрь көнне мәктәптә ата-аналар җыелышы булды.Әти-әниләр каршында авылның фельдшеры Тартыкова Ф.Н. грипп, аңа каршы вакцинация ясату турында чыгыш ясады.Башлангыч сыйныф укытучысы Сәгыйтова Р.Р. тәрбия темасына доклад укыды.2017-2018 уку елына ата-аналар комитеты сайланды.Мәктәп директоры Садиков Р.Х. алда торган бурычларга тукталды, әти-әниләрне кызыксындырган сорауларга җавап бирде.

Мәктәпкәчә яшьтәге балалар өчен уен-дөньяны танып-белү һәм физик чыныгу чарасы ул.

18 нче сентябрь көнне район күләмендә мәгариф хезмәткәрләре арасында узган бадминтон ярышында мәктәбебезнең география укытучысы Газизова Гөлнара Мирсәет кызы I урынны алды.Гөлнара Мирсәетовнаны бу җиңүе белән котлыйбыз, алга таба да уңышлар теләп калабыз.