Бүген Сәләтле балалар мәктәбендә 8,10 нчы сыйныф егетләре өчен "Я -  мастер" конкурсы үткәрелде. 10 нчы сыйныф укучысы Мифтахов Данияр телефон өчен аскуйма ясап, I урын алды. Җитәкчесе - технология укытучысы Имамиев И.И. Чын күңелебездән котлыйбыз!!!

9 нчы һәм 11 нче сыйныф укучыларының әти-әниләре өчен ОГЭ,ЕГЭ буенча әти-әниләр җыелышы үткәрелде. Каникулда булачак имтиханнар биреп карау тәртибе,таләпләр,  яңалыклар белән мәктәп директоры Гарифуллин Р.Н., укыту эшләре буенча директор урынбасары Билалиева Г.Ф. таныштырдылар.

Җырларда бу – алтын көз ае,

Шагыйрь дуслар, әйе сез хаклы:

Куаклардан булмый күз алып,

Бөтен җирне алтын көз басты.

Бәйрәм итеп көтеп алдык без,

Җимеш ае, муллык ае бу.

Келәтләргә тула саргылт төс.

Бүген мәктәбебездә 1-7 сыйныфлар катнашында  “Көзге уңыш” бәйрәме узды.Бәйрәмдә башлангыч сыйныф укучылары үзләренең һөнәрләрен күрсәттеләр.Ә 5-7 нче сыйныфлар арасында көзге КВН булды.КВН барышында 5 класс укучылары "Иҗади класс", 6 нчы класс укучылары "Шаян класс" , 7 нче класс укучылары "Сәләтле класс " исемнәренә   лаек булдылар. Һәр сыйныф көзге фантазиядән чыгып өстәл әзерләде һәм урыннар билгеләнде.Бәйрәмгә йомгак ясап һәр сыйныфка рәхмәт хатлары тапшырылды.

Күңелләргә якты нур өләшеп,

Шатлык өстәп һәрбер йөрәккә,

Үз муллыгы белән көзләр килә

Йомгак ясап җәйге хезмәткә.

    Әйе, күңелле  эссе җәй үтеп тә китте, туган ягыбызга алтын көз килде. Көз -елның  матур да, моңсу да вакыты. Мәктәпләрдә укулар, табигатьтә көзге үзгәрешләр башланды.  Әле генә шаулап утырган бакчалар, басулар бушап калдылар. Тирә-якка карасаң ,нинди генә төсләр юк. Агачлардан сары, кызгылт яфраклар коела, әйтерсең, җиргә сары – кызгылт юрган түшәлгән.

Бүген 8-11 нче сыйныф укучылары катнашында Югары Симет мәдәният йортында  "Көзге бал" бәйрәме үткәрелде.Җәйге каникул вакытында төрле оешмаларда эшләгән укучыларга җитәкчеләр тарафыннан акчалата бүләкләр тапшырылды. Укучылар тарафыннан искиткеч бай концерт номерлары күрсәтелде.

Фән олимпиадаларының мәктәп туры дәвам итә. Укучыларыбыз актив катнашалар. Бу атнада биология, информатика, физкультура фәннәреннән иң көчле укучылар ачыкланачак. 

7 нче октябрь көнне мәктәбебез директоры Рафис Накипович һәм  музыка укытучыбыз Ильмир Илфатович  Казанда “Пирамида” күңел ачу комплексында үткәрелгән Республика Укытучылар бәйрәмендә катнаштылар. Мәктәп коллективына “Татарстан Республикасының иң яхшы мәктәбе – 2016” номинациясендә лауреат дипломы һәм Кубок тапшырылды. Чын күңелебездән котлыйбыз!

Укытучылар бәйрәме уңаеннан район мәдәният йортында үткәрелгән бәйрәм кичәсендә безнең мәктәбебезнең география укытучысы Шәфигуллина Әнисә Габделхәмитовна Татарстан Республикасы Мәгариф һәм фән министрлыгының мактау грамотасы белән бүләкләнде.

   Әнисә Габделхәмитовнаны котлыйбыз! Алга таба да эшендә уңышлар теләп калабыз.

Көз­ге ур­ман­ның ма­тур­лы­гын­нан кү­ңел­гә рә­хәт.. .Ур­ман­ны би­зәп, алан­нар­да ба­лан, ми­ләш ку­ак­ла­ры бал­кып уты­ра. Күч­мә кош­лар очып кит­кән, ур­ман моң­су­ла­нып кал­ган, тын­лык­ка чум­ган.. .Яң­гыр­лар­дан соң үсеп чык­кан төр­ле-төр­ле гөм­бә­ләр, ми­не күр­мә­сә­ләр ярар иде, ди­гән­дәй, яф­рак ас­ты­на кач­кан­нар. Яңа гы­на явып үт­кән яң­гыр­дан соң там­чы­лар бө­тен җир­гә саф­лык өс­тәп, са­ран гы­на як­тырт­кан ко­яш ну­рын­да җе­мел­ди­ләр.. .Агач­лар да, төр­ле­дән-төр­ле күл­мәк­лә­рен ки­гән­нәр дә, бәй­рәм­гә әзер­лән­гән ши­кел­ле, те­зе­ле­шеп то­ра­лар.

Әлеге матурлыкны күзәтергә бүген 1-5 нче сыйныф укучылары, класс җитәкчеләре белән берлектә, көзге урманга сәяхәт кылдылар.

Кадерле укытучыларыбыз! Сез – безнең иң кадерлеләребез, үрнәк алырлык кешеләребез.   Сез биргән белемнәр, сезнеңүгет-нәсихәтегез безгә бүгенге авыр тормышта да дөрес юлдан тайпылмыйча, гел алга барырга ярдәм итә. Үзегезгә дәукучыларыгызның рәхмәтләренә төренеп,     аларның ярдәмен тоеп яшәргә насыйп булсын. Атачак таңнарыгыз – аяз,туасы көннәрегез – кояшлы, төннәрегез - тыныч, сәламәтлегегез нык булсын.

Рәхмәт сезгә, укытучы апам,
Кызганмадың безгә көчеңне.
Үз сабые кебек якын итеп,
Әйтә идең җылы сүзеңне.

Тормыш бит ул юл ярмыйча бармый,
Күрсәтмәдең безгә күз яшен
Һәрберебез өчен үрнәк булдың
Олы җанлы, сабыр кешенең.

Үсеп җиткәч кенә аңладык без синең
Биргән белем, куйган тырышлык.
Киңәшегез безгә маяк кебек
Гомер буе янып торырлык.

Иң кадерле кешем, мәңге шат бул,
Яшә шулай эштән тәм табып.
Күрешергә язсын куанышып,
Кайтып кергәч, сезне сагынып.