Мәктәп яны тәҗрибә участогыннан уңыш җыю дәвам итә. Помидор, кыярдан салатлар, җиләк-җимештән ясалган кайнатмалар һәркөнне менюга кертелә. Үз көчләре кереп үстерелгән ризыкның тәме дә татлырак!

Быелгы уку елында һәрбер укытучыга ноутбуклар бирелде. "Электронное образование" да эшләү өчен укытучыларга, укучыларга һәм ата-аналарга логин-парольләр эшләнде. Һәр укытучы "Личный кабинет"ына үзе турында мәгълүматны урнаштырды. Бүгенге көндә электрон журналлар тутыру буенча эш бара.

   Бүген мәктәбебездә Белем бәйрәме булып узды. Балалар мәктәпне сагынып янәдән мәктәпкә җыелдылар. Бәйрәмдә мәктәп директоры Зәйнәгыев Н.М., районыбыз кунаклары чыгыш ясап, укытучыларны һәм укучыларны котладылар, эшләрендә һәм укуларында уңышлар теләделәр. Яңа уку елы яңа уңышлар алып килсен иде

Лагерьда бүген "Су көне" иде. Шунлыктан балалар барысы да зәңгәр төстән киенеп килгәннәр. Алар шулай ук урман модасы күрсәттеләр, Габдулла Тукай иҗаты буенча презентация карадылар. "Югалган предметлар" уены балаларга аеруча нык ошады.

Бүген "Кыңгырау"да балаларга "Спорт-тайм" уенын уйнау бик ошады. Алар бу уенда җитезлекләрен генә түгел, актёрлык сәләтләрен дә сынадылар. Көн дәвамында музыка укытучысы Маметова М.Р. белән яңа җырлар өйрәнделәр, "Иң кызыклы кошлар" конкурсында катнашып, урыннар яуладылар.

14 июнь көнне балалар Боз сараенда булдылар,рәхәтләнеп тимераякта шудылар. Шулай ук табигатьтә күңелле уеннар уйнап, оригами һәм аппликация ысулы белән матур итеп газета чыгардылар.

Көн яңгырлы булса да,балаларның күңеле күтәренке иде.Бу көн "Апельсин көне" дип аталды.Шуңа күрә балалар көне буе сары киемнәре белән балкып йөрделәр.Дуслык темасына тест эшләделәр, әкиятләрне заманча итеп сәхнәләштерделәр, ялганчылар конкурсында көчләрен сынадылар.Шулай ук лагерь начальнигы Гарифулинна Г.Р.ны туган көне белән котларга да онытмадылар.

Лагерьның бу көне "Кире көн" дип игълан ителгәнлектән, бүген малайлар кызлар, кызлар малайлар булып киенеп килгәннәр иде. Көн дәвамында авылыбыз фельдшеры Яхина Ләйсән апа белән очрашып, сәламәтлек турында әңгәмә кордык. Мәктәп библиотекасына экскурсия, Г.Тукай турында презентация карау, аяк киемнәре "распродажа"сы балаларга бик ошады.