"Яшь ТНВ" каналыннан бара торган "Тамчы -шоу" уенын без варислар арасында даими үткәрәбез. Кышкы каникул вакытында Явлаштау мәктәбенең 7 нче класс варисларын, үзебезнен 7 нче классларга каршы уенга дәштек. Үзебез белән бик үзенчәлекле  таныштырганнан соң, көндәшләребез - Явлаштау мәктәбенең "Салават күпере" командасы белән таныштык. Беренче турда көндәшләребез өстенлек алса, Универсиада буенча бирелгән сорауларда һәм сүзләр төзүдә без өстен идек. Ә кышкы сынамышларда Явлаштауларга уңыш елмайды. Шулай итеп, бар турларның исәбе буенча, дуслык җиңде. Бу исәп ике мәктәп арасындагы дуслык җепләрен тагын да ныгытты.

8 нче январь көнне мәктәбебезнең җыелма укытучылар командасы Эзмә мәктәбендә үткән зона баскетбол ярышларында катнашып 3 нче урынны яулап кайттылар.

Башлангыч класс укучылары район мәдәният йортына "Яңа ел тамашасы"н карарга бардылар. Спектакль балаларга бик ошады.

Каникуллар файдалы һәм күңелле уза. Бүген укучыларыбыз "Нарат" боз сараенда экскурсиядә булып кайттылар. Биредә алар үзләренең сәламәтлекләрен тагы бер кат ныгыттылар һәм рәхәтләнеп ял иттеләр.

4 январь көнне башлангыч класс укучылары бассейнга йөзәргә бардылар. Рәхәтләнеп җәйләрне искә төшереп су коендылар.

Энҗе карлар сафлык сипкән кебек,
Якты булсын бәйрәм көннәре!
Бәхет бураннары алып килсен
Яңа елның карлы җилләре.

Бәйрәмнәр быел 30нчы декабрьдә 2 сменада оештырылды.  1-6 класслар өчен  “Исәнме, Яңа Ел!” исеме астында уздырылды. Сценарийның эчтәлеге буенча барлык җәнлекләр дә, пиратлар мушкетерлар Кыш бабайны эзли. Алар Шекше мәктәбенең 2 укучысына тап булып, алардан Кыш бабайның бәйрәмгә киләсен беләләр. Барысыда шунда китәләр. Бәйрәмдә алдынгы укучыларның ата-аналарына мәктәп диркциясе Рәхмәт хатлары тапшырды, олимпиадада җиңүче укучылар бүләкләнде. Әти-әниләр, кунаклар катнашты.