Мәктәбебез укытучылары яшь буынга белем һәм тәрбия бирүдә тырышып эшлиләр. Шундый укытучыларыбызның берсе, Зиннатова Э.Ш., район укытучыларының август конференциясендә Мәгариф бүлегенең Грамотасы белән бүләкләнде.

23 август көнне район мәдәният йортында үткән "Мәгариф хезмәткәрләренең август киңәшмәсе"ндә мәктәбебез укытучылары да катнашты. Анда актив катнашкан укытучыларга, шул исәптнә мәктәбебезнең тәрбия эшләре буенча директор урынбасары Гимадиева А.И.га  район балалар иҗат үзәге рәхмәт белдерде.

Изге җомга көнен "Мин-мөселман баласы" дип атадык. Шул уңайдан "Иманлы бала-кем ул? түгәрәк өстәл янында сөйләшү узды. Мөселман киеме, яулык бәйләү серләренә төшендек. Аннан соң мәчет белән таныштык һәм вәгазь тыңладык. Көндезге аштан соң "Озын толым" бәйгесендә кызларыбызның чибәрлектә, уңганлыкта булганлыкларын сынадык.

Лагерьның  өченче атнасы патриотик тәрбиягә багышлана. Шул уңайдан бүгенге көн -  "Һәйкәлләр ни сөйли?” дип аталды. Көндәгечә зарядка күңелле узды. Файдалы иртәнге аштан соң, балаларның бер төркеме "Балалар фольклоры" турында әңгәмәгә җыелдылар. Презентация ярдәмендә барган бу чарада балалар актив катнаштылар. Кечкенәләр төркемендә "Һәрвакыт булсын кояш!" рәсем конкурсы узды. Спорт мәйданчыгында хәрәкәтле уеннар уйнадылар. Шунда ук кызыклы рекордлар билгеләнде. Мәсәлән, "Иң кечкенә буй", "Иң озын борын", "Иң бәләкәй табан". Мәктәп музеенда булып, балалар янәдән хәтер яңарттылар. Авылыбыз уртасындагы билгесез солдат һәйкәлен чистарту оештырылды. Мәдәният хезмәткәрләре үткәргән татар халкының милли уеннары турында әңгәмә укучыларга файдалы булды

Бүгенге көнне укучыларыбыз зур түземсезлек белән көтеп алдылар. Чөнки шушы көнгә Лесхоз бистәсенә төрле экскурсияләр билгеләнгән иде. Сихри яшеллеккә төренгән урман юлы аша бару үзе үк ни тора бит!? Иң беренче урман хуҗалыгы музеена керделәр.