27 октябрь 5 класста "Наркотикларсыз тормыш!" акциясе кысаларында "Тәмәке белән тартучы да яна" дигән темага класс сәгате үткәрелде.Класс сәгатеннән соң укучылар үзалдына: " Начар гадәтләргә -Юк !" дигән максат куйдылар.

24 октябрь көнне "Наркотикларсыз тормыш" айлыгы кысаларында 1 нче классларда "Сәламәтлек - тормыш нигезе" дип исемләнгән класс сәгате үтте. Класс җитәкчеләре Хаертдинова С.Н укучыларны сәламәт булу өчен мөһим булган сыйфатлар белән таныштырды. 

"Үткәнен белмәгәннең киләчәге юк" девизы белән 20 октябрь көнне 8 класс укучылары (класс җитәкчесе Фаваризова Р.Т) тәрбия сәгатендә авыл музеенда булдылар. Музей турында  авыл китапханәчесе Сафина Н.Р укучыларга бик күп мәгълүмат җиткерде.

16 октябрь көнне Шәмәрдән лицеенда "КЭС Баскет" ярышларының зона этабы үтте. Безнең мәктәпнең кызлар командасы 2 нче урынны яулады. 

Мәктәпләрдә "Хәтер көне" уздыру күркәм традициягә әйләнде. 15 октябрьдә мәктәбебездә бу көн билгеләп үтелде. Укучылар Казанда 1552 елда Казан ханлыгының Явыз Иван гаскәрләре тарафыннан басып алынуын искә алдылар, халкыбызның фаҗигале үткәнен онытмаска сүз бирделәр.

 3 класс укучыларының бүгенге класс сәгатьләре мәктәп китапханәсендә үтте. Укучылар класс җитәкчеләре Гибадуллина Р.Х. һәм китапханәче Махмутова Г.М. ның "Китап киңәшчең синең, дустың, ярдәмчең синең" темасына  чыгышларын тыңладылар, "Китапханә һәм син" анкета сорауларына җавап бирделәр. 

11 октябрь көнне Казан шәһәрендә мәгариф оешмаларының республикакүләм ярминкәсе булып үтте. Мәктәп коллективы ярминкәдә актив катнашты.

10 нчы октябрь  көнне  физик тәрбия укытучыбыз Ханнанов Рамиль Фәнис улы район командасы составында Татарстан укытучыларының Казан шәһәрендә  узган җәйге  спартакиадасында  уңышлы  чыгыш ясап кайтты. Рамил Фәнисовичны чын күңелдән  котлыйбыз!