Тиздән "Зарница" уеннары килеп җитә. Әлеге уңайдан Гатиятов Р.Р.  1 класс  укучыларына стройда йөрү күнегүләрен өйрәтә, хәрби- патриотик хис тәрбияли. ГТО кысаларында үткәреләчәк уеннарга әзерли.

Февраль ае көчле җил -давыллары белән башланып китте. Мәктәп тирәсендәге җимлекләргә кар тулды.... Кошларга җим биреп торуны, ояларын кардан аралап, чистартып торуны  1-2 класс укучылары башкара. Бүген Амирова Л.Ф. укучылар белән әлеге эшләрне башкарды һәм укучыларда ярдәмчеллек хисләре тәрбияләде.

"Ел укытучысы " республикакүләм конкурсының муниципаль этабында мәктәбебездән "Сыйныф җитәкчесе" номинациясендә Гибадуллина Р.Х. , "Өстәмә белем бирү укытучысы" номинациясендә Фаваризова Р.Т. һәм "Балалар коллективын оештыручы" номинациясендә Корбанова Л.Т. катнаштылар. Әлеге бәйгедә  башлангыч класслар укытучысы Гибадуллина Р.Х. югары балларга ия булып республика зона этабында катнашу хокукы алды.  Аны җиңүе белән котлыйбыз һәм алдагы этапларда уңышлар телибез!

Мәктәптә хәрби-патриотик айлык башланып китте. Алдагы ай дәвамында план буенча төрле чаралар, бәйрәм кичәләре, рәсем һәм фото конкурслар каралган. Әлеге чараларда барыгызны да актив катнашырга чакырабыз.

"Интернет челтәрләрендәге иминлек" конкурсына 8 класс укучысы Ахметшина З. рәсеме җибәрелде . Әлеге рәсемдә , барысыда үзебезнең кулда һәм үзубез сайлаганнан торуы чагылдырылган. Зәлиягә уңышлар телибез!

24, 26 январь көннәрендә мәгариф өлкәсендә эшләүчеләрнең кышкы спартакиадасы булып үтте. Әлеге ярышта мәктәп директоры Зайнагиев Н.М. ( Лыжные гонки - 3 урын) , укытучылар Гарипова А.Р (шахмат - 1 урын), Гибадуллина Р.Х. ( шорт-трек -1 урын), Гатиятов Р.Р (подтягивание -2 урын), Галимзянова Г.Г. ( отжимание- 3 урын), Яруллин И.И., Димитриева Л.И.,Назирова Д.А.,  Амиров Ф.М. катнашты. Гомуми нәтиҗәләр буенча безнең мәктәп 3 урынга чыкты. Зур җиңүләрегез белән котлыйбыз!  Молодцы!

1944 нче елның 27 январе "Ленинград чолганышын өзү" көне буларак билгеләп үтелә. Шушы уңайдан мәктәп китапханәсендә Ленинград блокадасына багышланган китап күргәзмәсе булдырылды. Китапханәче Махмутова Г.М. шушы китаплар аша, тарихның - балалар күңеленә үтеп керүен тели.

Бүген мәктәбебездә "Әдәплелек иленә сәяхәт" дип исемләнгән китапханә дәресе үтте. Китапханәче Махмутова Г.М.  укучыларны әдәби әсәрләр аша ягымлы булырга, матур, дөрес сөйләшергә, начар гадәтләрне булдырмаска өйрәтте.

1 класс укучылары Гөлнур Мияссаровнага зур рәхмәт әйтеп, киләчәктә бер- берсенә игътирамлы булырга сүз бирделәр.

Бүген, 20 нче январь көнне, 5 класс укчылары белән, педагог - оештыручы Корбанова Л.Т.  "Ут - кешенең дошманы " дип исемләнгән сбор үткәрде. Элеге сборга Саба районының 129 нчы янгын сүндерү бүлегеннән килгән Ярмухаметов Тәлгәт абый укучыларны үз эшләрендә кулланыла торган җиһазлар белән таныштырды. Укучыларга  махсус киемнәрен кигезеп карады. 

Сбор укучыларга бик ошады.  Алар янгын чыккан вакытта үзеңне ничек тотарга, аны булдырмас өчен ниләр эшләргә кирәклеге турында да күп мәгълүмат тупладылар.

19 январь көнне Шекше урта мәктәбендә 8 һәм 10 сыйныфларда “Энәгә кадалган язмыш” дип исемләнгән тәрбия сәгате уздырылды. Тәрбия сәгатенә Сәрдә авылы фельдшеры Гөлчирә апа чакырылды. Ул наркотикларның начар тәэсире, җенси юл белән күчә торган инфекцияләр, шулар нәтиҗәсендә киләчәктә барлыкка килергә мөмкин булган авырулар турында сөйләшү уздырды. Укучылар үзләрен кызыксындырган сорауларга җаваплар алдылар.