5 февраль көнне Тимершык урта мәктәбендә”Класс җитәкчесе” конкурсының 2 нче этабы булды. Анда безнең мәктәп укытучысы Мирзегалямова Г.Б класс сәгате үткәрде. Балалар дәресне бик ошаттылар, актив катнаштылар.

Башлангыч класслар атналыгы кысаларында 2 нче класс укучылары “Иң матур китап кыстыргычы” конкурсында бик теләп катнашалар.Җыелышып үрү технологиясен кулланып китап кыстыргычы ясадылар. Башка класс укучылары да үз хезмәтләре белән уртаклашалар. Нәтиҗәләрне түземсезлек белән көтәләр.

1 февральдән  мәктәбебездә Хәрби-патриотик айлык башланды. План нигезендә чаралар оештыру карала.

26-28 гыйнвар көннәрендә Укытучылар спартакиадасы үткәрелде. Мәктәбебезнең укытучылары һәр ярыш төрендә дә актив катнаштылар. Инглиз теле  укытучысы Галимзянова Г.Г на "Идәннән этелү" төреннән 2 нче ,  Шахматтан хезмәт укытучысы Гарипова А.Р на 1 урынны яулады. Укытучыларыбызга спорт ярышларында алга таба да уңышлар телибез.

“Ел укытучысы -2016” район конкурсының “Сыйныф җитәкчесе” номинациясендә Мирзегалямова Гөлсинә Борисовна,  «Балалар коллективын оештыручы» номинациясендә Габделхакова Г.Рлар 2 турга үттеләр. Аларга уңышлар телибез!

22 январь көнне Балалар иҗат үзәгендә “Дулкыннар” республика бәйгесенең район этабы булып узды.  Бәйге Клара Булатова иҗатына багышланган иде.  Безнең мәктәптән 3 нче класстан Амиров Камил “Татарстан, бәхет җырым син”, Хаертдинов Ранис  “Укытучы апаң йокламаган”, 2 нче класстан Гыйбадуллина Камилә “Безнең балачактан бер яңа ел”, 6 нчы класстан Газиянова Эльвира  "Сугыш чорындагы балачактан"дигән шигырьләрен сөйләделәр. Гыйбадуллина Камилә (җитәкчесе Гыйбадуллина Р.Х) нәфис сүз номинациясе, кечкенәләр төркемендә 3 урынга лаек булды.

6 нчы сыйныф укучысы Яруллин Әлфис, Газиянова Эльвира,  җитәкчеләре педагог-оештыручы Габделхакова Г.Р  "Бала хокук даирәсендә" республика конкурсында катнашып Таныклык белән бүләкләнде.