Буген лагерь көне дару үләннәре темасына багышланды. Балалар үзебезнең якларда үсүче дару үләннәре һәм аларны җыю тәртибе белән таныштылар, "Саймә" чишмәсенә бардылар.

Көннең икенче яртысында "Караоке - батл" уены уйнадылар.

Кояшлы июнь иртәсендә лагерьда тәрбияләнүче балалар Мишә елгасына  балык тотарга барды, "Галим" чишмәсе буенда ял итте, чишмәне, аның тирә-ягын чистартты, тарихы белән танышты.

  Көннең икенче яртысында экологик КВН үткәрелде, су көненә багышланган конкурслар үткәрелде.

Бүгенге лагерь көне күңелле, хәрәкәтле физарядка белән башланып китте. Балалар көн дәвамында күңелле ял иттеләр. Беренче төркем - "Тамчы -шоу", икенче төркем "Башваткыч" уенында катнашып, истәлек бүләк алды. Көннең икенче яртысында флорбол ярышында көч сынашты, китапханәдә "Хәтер китабы"  һәм анда кергән авылдашларыбыз язмышы белән танышты.

Лагерьның 5 көне "Үткәнен белмәгәннең киләчәге юк" темасы астында узды. Укучылар Сәрдә авылында урнашкан "Рәис аланы"на экскурсиягә бардылар. Андагы музей белән таныштылар, соңыннан табигать кочагында күңелле  ял иттеләр. Көннең икенче яртысында балалар матбугаты белән танышып, башваткычлар чиштеләр.

      Лагерьның 4 нче  көне экологик темага багышланды. Балалар ике командага бүленеп үзләренең белемнәрен сынадылар, плакат ясадылар.Табигатьне ничек сакларга мөмкин икәнлегенә фикер алыштылар.

     Көн бик файдалы һәм кызыклы үтте.

"Кыңгырау" лагеренда өченче көн чәчәкләр ясау конкурсы белән башланып китте. "Футболисты"отряды тере чәчәкләрдән композиция төзесә, "Непоседа" отряды төсле кәгазьләрдән чәчәкләр ясады. Көн саф һавада хәрәкәтле уеннар уйнау, флешмоб белән тәмамланды.

Лагерьның икенче көне "Талант -шоу" дип аталды. Балалар үзләренең җыр - бию, нәфис сүзгә осталыкларын күрсәттеләр. Аннары авыл китапханәсендә патриотик темага әңгәмә оештырылды, китаплар белән таныштырылды.

Шекше төп гомумбелем бирү мәктәбе” каршында оешкан “Кыңгырау” ял һәм сәламәтләндерү лагеренда 16 бала ял итә. Лагерьда бар мөмкинлекләр дә булдырылган. Көн дәвамында балалар өчен ял итү, уеннар,  актив һәм сәламәт тормыш рәвеше алып бару өчен вакыт бүленгән. Лагерьның беренче көне 1 июнь -Балаларны яклау көненә багышланды. Балалар асфальтта рәсем ясадылар, төрле конкурс, уеннарда катнаштылар, газета чыгардылар. Көннең икенче яртысы саф һавада уйнау белән дәвам итте. 

25 май районыбыз мәктәпләрендә “Соңгы кыңгырау” бәйрәме булып узды.. Шекше төп мәктәбен быел 1 егет һәм 7 кыз тәмамлый. Алда әле – бердәм дәүләт имтиханнары. Аларны уңышлы гына тапшырсалар, бу егет-кызларны олы юл – мөстәкыйль тормыш юлы көтә. Күренеп тора, үзләре дә нык дулкынланалар. Укытучыларны, ата-аналарны әйтәсе дә юк. Гомергә истә калырлык мизгелләрнең берсе булган соңгы кыңгырау 9 нчы сыйныфны тәмамлаучы 8 укучы өчен мәктәп кыңгыравы бу көнне соңгы тапкыр яңгырады.