22 июнь- Хәтер һәм кайгы көне. Илебез тарихында җуелмас эз калдырган әлеге мөһим датага багышлап Шекше авылында  үткәрелгән  митингта мәктәп яны лагерендә ял итүче балалар  катнашты. Митингта фронттан әйләнеп кайтмаган каһарманнар хөрмәтенә бер минутлык тынлык игълан ителде. Бөек Ватан сугышында катнашкан һәр авылдашыбыз искә алынып, обелиск янына чәчәкләр салынды.

Бүген  лагерьда “Без бии беләбез” флешмобы үтте. Шулай ук  “Без-музыкантлар” дип исемләнгән чара оештырылды. Балалар гитарада лагерь җырлары өйрәнделәр. Гитара уйнау серләренә төшенделәр.

Бу көн “Биегрәк, ераграк, тизрәк”  девизы астында үтте.  Балалар бадминтон  уенында катнаштылар. Хәрәкәтле уеннар уйнадылар.

Бу көн спорт чараларына  багышланды.  Балалар дөрес сулау күнекмәләрен өйрәнделәр, спорт мәйданчыгында күңелле стартларда катнаштылар, туплы уеннар уйнадылар.

16 нчы июнь  көне  “Кыңгырау” лагеренда  Мишә елгасына койган чишмәләрне өйрәнүгә багышланды.  Балалар “Саимә”, “Галим”, “Дөләш” чишмәләрендә булып, аларның суларын тикшерделәр. Иң тәмле, иң чиста сулы чишмәне билгеләделәр.

Бүген 15 июнь көнне туган як үсемлекләре белән танышу өчен экскурсиягә бардык. Дару үләннәре җыйдык. Ял иттек.

Көннең икенче яртысында кызлар арасында "Иң күп бантик тагучы" конкурсы булып узды. 

Бүген Сабага Т.Миңнуллинның "Әйт әле, Күбәләк"  дип исемләнгән спектаклен карарга бардык. Төшке аштан соң табигатькә экскурсиягә чыктык. "Иң матур букет" конкурсы үткәрдек.

Бүген Мишә елгасында балык тоту ярышы үткәрелде. Иң беренче балыкны Хаертдинов Самат, иң зур балык тотучы Яруллин Инсаф булды. Соңыннан хәрәкәтле уеннар уйналды.

Бүген мәдәният хезмәткәрләре белән берлектә Россия көненә чара үткәрелде.

Лагерьда тәрбияләнүче балалар район үзәгенә экскурсиягә бардылар. Алар "Саба тәрәзәләре"ндә , "Саба таңнары" газетасы редакциясендә, Сәләтле балалар мәктәбендә, психологик үзәктә булдылар. Экскурсия балаларга бик ошады.