Башлангыч сыйныфлар укытучысы Габдрахманова Ә.Н..1-4 нче сыйныф укучылары өчен "Интернет челтәрендә куркынычсызлык"дип аталган кичә оештырды, шушы темага караган мультфильм карау оештырды.Укучыларны интернеттан дөрес файдаланырга өйрәтте. 

ОБЖ фәне укытучысы Ахметшин И.И.1-4 нче сыйныф укучылары белән "Юл билгеләре иленә сәяхәт" оештырып,укучыларның белем күнекмәләрен ныгытты.Әлеге чара укучылар өчен кызыклы һәм файдалы узды.

Бүген районыбыз горурлыгы булган Руслан һәм Рушан Миннегуловлар белән очрашу оештырылды.Очрашуда алар үзләренең уңышлары,чаңгы спорты белән кызыксынулары турында сөйләделәр.Укучыларга үзләренең теләкләрен җиткерделәр.

Бүген мәктәбебездә әти-әниләр жыелышы булып узды.Җыелышта җирле үзидарә башлыгы Шафигуллин Ф.Ф.,авылыбыз фельдшеры Зарипова Э.Р.катнашты.Җыелышта түбәндәге көн тәртипләре каралды:

1.1нче чирек йомгаклары -алда торган бурычлар.

2."Грипп -аннан саклану чаралары" Зарипова Э.Р.чыгышы.

3.Каникул планы.Укучылар йөреше.

4.Интернет челтәреннән дөрес файдалануны тәэмин итү.

5.ОГЭ,ЕГЭ га әзерлек.

6.Төрлеләр.

Сәламәтлек комитеты членнары бүген 1-4 нче сыйныф укучылары өчен флешмоб үткәрделәр.Башлангыч сыйныф укучылары әлеге чарада бик теләп катнаштылар."Хәрәкәттә-бәрәкәт!",-ди халык.Сәламәт булыйк!

Мәктәбебездә "Китапка икенче тормыш бүләк ит!" акциясе бара.5 нче сыйныф укучылары китапханәдә таушалган китапларны яңарттылар.

"Сәламәтлегең-синең байлыгың" акциясе кысаларында Спорт комитеты членнары мәктәп укучылары белән берлектә дүшәмбе иртәсен зарядкадан башлап җибәрделәр.Хәрәкәттә-бәрәкәт!

"Обелиск" акциясе кысаларында укучылар авылыбызда урнашкан обелиск янын чистартып кайттылар.Әлеге изге эшләре өчен аларга рәхмәтебезне җиткерәбез.

15 октябрь- хәтер көне.Шушы уңайдан тарих фәне укытучысы Марданова С.Х. 10 нчы сыйныфлар белән 1-11сыйныф укучылары өчен "Хәтерләрне яңартыйк!" дигән кичә үткәрде.

Мәктәп балалар Думасының спикеры һәм вице-спикеры укучыларның формадан йөрүләрен тикшерде.Шунысы куанычлы-барлык укучылар да мәктәп формасыннан йөриләр.