Каникул планы нигезендә бүген "Оста куллар", "Туган ягымда умартачылык" түгәрәкләре эшләде. Укучылар каникул дип  тормаганнар,  түгәрәкләргә актив килгәннәр. "Туган ягымда умартачылык" түгәрәгендә  укучылар умарта оясы ясау белән, ә "Оста куллар" түгәрәгендә квиллинг методы белән открытка өчен чәчәкләр ясарга өйрәнделәр.

Бүген айлык план нигезендә 1-5 сыйныф  укучылары белән "Бәләкәч китаплар" дип аталган практик күнекмәләр  кичәсе булып узды. Укучылар   Айгөл  апалары белән матур китапчыклар ясадылар һәм әлеге китапчыкларга  үзләренең иҗат җимешләрен урнаштырдылар.Иң матур китапларны районда узучы конкурска тәкъдим иттеләр.

"Ветераннарга үз кулларым белән иҗат иткән бүләк" акциясе барышында "Оста куллар", "Туган ягымда умартачылык" түгәрәгендә укучылар ветераннар өчен бүләкләр әзерләделәр һәм  шушы кул эшләреннән күргәзмә оештырдылар.

 "Чишмәкәй" балалар берлеге ветераннар янында булып, үзләре ясаган, бәйләгән әйберләрен бүләк итеп, кунак булып кайттылар.

"Балалар китабы" айлыгы  кысаларында китапханәче Гильманова А.Н. 5-8 сыйныф укучылары белән "Китаплар турында сөйләшик" дип исемләнгән чын күңелдән сөйләшү кичәсе үткәрде. Гильманова А.Н. укучыларны матур әдәби китапларның сихри көче турында сөйләде һәм аларны күбрәк китаплар укырга чакырды.

Бүген мәктәбебездә балалар китабы айлыгы нигезендә 2014 елда үзләренең юбилейларын билгеләп үтүче язучыларның, шагыйрьләрнең әсәрләренә ясалган рәсемнәрдән күргәзмә оештырылды.  Күргәзмәдәге рәсемнәрне укучылар бик кызыксынып карадылар.

Технология һәм сәнгать атналыгы планы нигезендә үткәрелгән ярминкәдән җыйналган акчага күчтәнәчләр һәм бүләкләр алып,концерт номерлары әзерләп укучыларыбыз "Тургай" приютында тәрбияләнүче балалар янында булып кайттылар.Бүгенге көндә монда безнең 3 укучыбыз тәрбияләнә.Безнең килүгә, алып килгән бүләк-күчтәнәчләргә, алар аеруча шатландылар.Безнең мәктәпне тәмамлаган,узе дә 7 нче сыйныфка кадәр Казан шәһәрендәге приютта тәрбияләнгән Ягудин Ринатның моңсу  җырлары балаларны гына түгел,тәрбияче апаларны да елатты.Ринатның күчтәнәчләрен аеруча яратты балалар.Укучыларыбызның изге эшләрдән күңелләре бик шат иде.

Балалар китабы атналыгы кысаларында китапханәдә 2014 нче елда юбилейларын билгеләп үтүче язучыларнын, шагыйрьләрнең китапларыннан күргәзмә оештырылды. Китапханәче Гильманова А.Н. укучыларга әлеге юбилярлар турында кыскача белешмә бирде.

18 март көнне Балалар иҗат үзәгендә "Йолдызлык -2014" конкурсы булып узды. Мәктәбебезнең  Хореография түгәрәге җитәкчесе Аухадиева Н.А.  "Бәхетле балачак" бию төркеме белән  Ковбой биюен өйрәнеп уңышлы чыгыш ясап кайттылар. Афәрин, укучылар!!!

Бүген мәктәбебездә хезмәт һәм сәнгать атналыгы кысаларында шәфкатьлелек ярминкәсе үтте. Ярминкәдә укучылар үз куллары белән әзерләнгән ризыклар һәм кул эшләре белән сату иттеләр. Ярминкәдән кергән акчага укучылар тәмле ризыклар, бүләкләр алып Икшермә авылында урнашкан "Тургай" приютына  барырга уйлыйлар.Нәниләр өчен анда хәйрия концерты үткәреләчәк.

Бүген мәктәбебездә хезмәт һәм сәнгать атналыгы башланып китте.План нигезендә технология фәне укытучысы Ногъманова Р.Р.5-11 нче сыйныф укучылары өчен "Һөнәрләр илендә" дип исемләнгән кичә-тамаша үткәрде. Кичә барышында укучылар бүгенге көндә көн кадагында торган һөнәрләр белән таныштылар.Әлеге кичә укучыларга хезмәт һәм профориентация тәрбиясе бирү буенча отышлы булды.