Районыбызда волейбол буенча ярышлар бара. Бу уеннардан без дә читтә калмадык. 4 уенда катнашып, шуның икесендә җиңү яуладык. Калган катнашучы командаларга уңышлар телибез. Киләсе елга да үз өстебездә эшләп зур уңышларга ирешербез дип ышанып калабыз.

Тамчы тама кыектан,

Турылап та кыеклап.

Тамчы тама тып та тып:

“Булмый язны туктатып!”

Төнлә суык шарт та шарт.

Кайсы ай мин?... Март!

Бу атнада балалар су һәм аның үзенчәлекләре белән танышалар.

Көчле рух, сүнмәс яшәү дәрте

Бирелгәндер сезгә тумыштан.

Үр артыннан яңа үрләр яулап

Яшисез сез туймый тормыштан.

Сезгә карап сокланабыз һәрчак

Күңелләрдә туа горурлык.

Рәхмәт сезгә! Әле ярый сез бар

Безгә үрнәк булып торырлык.

Бакчабызда "Гаилә бәйрәме"  дәвам итә. Бүген дә зурлар төркемендә әти-әниләр белән берлектә "Гаилә бәйрәме"  үткәрдек. Гаилә никадәр нык булса, аннан килгән җылылык шулкадәр көчле була. Әти- әни аның тоткасы булса, балалар гаиләнең көзгесе. Әгәр тотка купмасын, көзге ватылмасын дисәң, бер-береңне саклап, рәнҗетмичә, хөрмәтләп яшәргә кирәк. Кичәдә әти-әниләр төрле уеннарда катнашты, ә балалары аларны котлап төрле биюләр, җырлар башкарды

28 февраль көнне Казан шәһәренең Идел буе районының 131 нче номерлы "Стрекоза" балалар бакчасында яңа  "Разноцветная планета" программасы буенча семинар үткәрелде. Анда Мәскәүнең ЮВЕНТА нәшрияты методисты  Рижская Елена Викторовна катнашты һәм чыгыш ясады. Бу өйрәнү семинарында безнең бакчадан да катнашучылар булды.

2 нче кечкенәләрнең 3 нче төркемендә үткәрелгән "Әти, әни һәм мин - тату гаилә" дип аталган кичә күңелле генә үтеп китте. Кичәбезнең максаты....

"Ел тәрбиячесе - 2013" Республика конкурсының район этабында бакчабыздан Ахунова Г.М., Хуснутдинова Р.М. уңышлы чыгыш ясап, Ахунова Гульзиля Масхутовна 8 конкурсант арасында "Ел тәрбиячесе- 2013" исеменә лаек булды. Республика күләмендә үтәчәк конкурста да уңышлар телибез.

"Бала - гаиләнең көзгесе: су тамчыларында кояш чагылган кебек, балаларда да ана һәм атаның әхлакый чисталыгы чагыла"

18 нче февральдән 23 февральгә кадәр, атналык "Ил сакчылары"  исеме белән үтәчәк. "Минем яраткан шөгылем" (кул эшләре, хобби), "Минем әти солдат булган", "Аҗаган" патриотик уены, гомумән әлеге тематика астында бакчабызда бик күңелле чаралар үтәр дип көтелә. 

Балалар бакчасында  герой - шагыйрь Муса Җәлилгә багышланган атналыкны төгәлләп 15 февраль көнне әдәби - музыкаль кичә үткәрдек. Муса Җәлил олылар һәм балалар өчен бик күп әсәрләр иҗат иткән онытылмаслык бөек - шагыйрь ул.  Аның шигырьләре табигатьне яратырга, туган илне , ватанны сөяргә , аңа тугрылыклы булырга өйрәтә. Зурлар төркеме балалары безгә үзләренең өйрәнгән шигырьләрен сәнгатьле итеп сөйләделәр. Музыка җитәкчеләре "Әтәч",  "Кәккүк", "Сәгать"  җырларын башкардылар. Герой шагыйребезгә булган мәхәббәтегез сүнмәсен, аның якты истәлеге күңелләрегездә мәңге саклансын.