Симет мәктәбе укучылары безнең балаларны үзләренең матур концертлары белән сөендерде. Балалар кунаклар белән бергәләп җырладылар да, биеделәр дә. Безнең мәктәпкә бүләккә,хезмәт дәресендә  укучылар тырышлыгы белән ясалган кул эшләре бүләк иттеләр. Мәктәп коллективы исеменнән Симет урта мәктәбе коллективына һәм оештыручыларга олы  рәхмәтебезне җиткерәбез.

Бүген безнең мәктәп балаларына  Шыңар авылы мәдәният хезмәткәрләре һәм балалар  бик күңелле музыкаль тамаша күрсәттеләр. Клоуннар балаларны уйнаттылар да, биеттеләр дә,җырлаттылар да. Бәйрәм балаларга бик ошады. Мәктәп коллективы аларга олы рәхмәтләрен җиткерә.

5 декабрь көнне мәктәбебездән 6 укучы районыбыз оештырган өстәл теннисы ярышында катнаштылар. Укучыларыбызның тырышлыгы юкка булмады, 8 класс укучысы Гороховатченко Галина кызлар арасында 3 урынга ия булды.

 3 декабрь көнне безнең мәктәп укучылары районыбыз оештырган шашка ярышында катнашып призлы урыннарга ия булдылар. Менә алар мәктәбебез горурлыгы: Гороховатченко Галина- 1 урынга, Чумакова Мария- 3 урынга ия булдылар. Закиров Айрат һәм Галлямов Дәниф үзләрен иң актив һәм иң оста уенчылар итеп таныттылар. Алга таба да уңышлар телибез аларга.

Инвалидлар декадасын дәвам итеп, мәктәбебез психологы Гөлшат Ильшатовна балалар өчен күңелле стартлар  ярышы оештырды. Уенда "Дуслык" һәм " Яхшылык" командалары ярышты. Уен башында һәр команда үз девизын һәм җырын башкарды. Ярышта балалар бик  теләп  һәм тырышып катнаштылар. Шуңадыр да уен дуслык җиңүе белән тәмамланды.

Бүген Тимершык урта мәктәбе укучылары һәм укытучылары тарафыннан  безнең мәктәп укучыларына күңелле музыкаль  программа күрсәтелде. Концерт матур  җыр- биюләр,шигырь сөйләүләр белән үрелеп барды. Кунаклар буш кул белән  килмәгәннәр, укучылар  балаларга  дип кулдан ясалган  открыткалар, мәктәп коллективы  уку кирәк- яраклары алып килгәннәр. Кунакларның чыгышлары балалар күңеленә онытылмаслык булып кереп калды.

Тимершык авыл клубы хезмәткәрләре балаларга күңелле уеннар оештырдылар. Уеннарда балалар бик теләп катнаштылар, бүләкләр алдылар. 

Инвалидлар декадасы башлану уңаеннан район мәгариф үзәге һәм укытучы- оештыручы Идрисова С.И.,методист Гибадуллина Л.Х.,педагог-психолог Гимадиева И.И.,психолог-Ногуманова А.И. безнең мәктәп укучыларына  шашка,шахмат уены оештырдылар. Кече класс балалары белән  уеннар һәм тренинглар үткәрделәр. Уенда җиңүчеләрне  һәм  актив катнашучыларны район мәгариф  үзәге хезмәткәрләре  бүләкләделәр. Бүгенге кичә кызыклы һәм узенчәлекле булды. Мәктәп җитәкчелеге район мәгариф үзәге хезмәткәрләренә чиксез рәхмәтләрен белдерә.

Инвалидлар декадасының башлануы уңаеннан мәктәбебезгә дин әһеле Дамир хәзрәтне чакырдык. Дамир хәзрәтне  балалар  тиз арада  үз иттеләр. Укыган вәгазләрен игътибар белән тыңлап утырдылар, сорауларына җавап бирделәр. Дамир хәзрәт балаларга яхшылык белән яманлыкның,әхлак белән тәртипсезлекнең, изгелек  белән ваемсызлыкның аермасын мисаллар китереп аңлатып күрсәтте. Бу очрашу безнең балалар өчен бик әһәмиятле булды.