Наша школа участвовала на четвертой региональной  выставке декаративно-прикладного творчества детей с ОВЗ "Время колокольчиков" . Все участники выставки были награждены дипломами  и сертификатами.

Мәктәбебездә башлангыч сыйныфлар атналыгы башланып китте.  Шул уңайдан 2 класс укытучысы Чулпан Фәизовна башлангыч класс укучылары белән "Табигатьне сакла,ярат!" темасына дәрес-викторина уздырды. "Терек.Терек түгел" темасына презентация, уен оештырды. Укучылар "Мине таны", "Табышмак әйтәм-тыңла!", "Дүртенчесе артык","Зоопаркта", "Бу дөресме?" уеннарында кызыксынып һәм яратып катнаштылар. "Кошларга ярдәм ит!" акциясе кысасында  укучылар бергәләп кошларга  җимлекләр ясап  элделәр.

Балаларның  туган көннәрен үзенчәлекле һәм истә калырлык итеп үткәрергә тырышабыз. 6 класста укучы кызыбыз Гөлназны,7класста укучы кызыбыз Айгөлне  укытучылары,тәрбиячеләре, дуслары котлады һәм бүләкләр тапшырды. Кичен туган көн ияләре хөрмәтенә дискотека оештырылды.

Укытучылар коллективы класс сәгатьләрен, дәресләрне кызыклы һәм  үзенчәлекле итеп үткәрәләр. Дәресләрне  һәрдаим  күрсәтмә материаллар, презентацияләр белән бәйләп алып баралар. Шуңа да укучылар дәресләргә яратып йөриләр.

Дәрестән соң режим буенча  тәрбияләнүчеләр саф һавада  булалар. Алар чана-чаңгы шуалар, тәрбияче апалары оештырган  хәрәкәтчән уеннарда теләп катнашалар. Кичен төрледән-төрле өстәл уеннарын да  яратып уйныйлар.

Мәктәбебез коллективы үзенә һәр яктан да тырыш, өлгер шәхесләрне генә туплаган диярсең. Алар  мәктәп тормышыннан тыш җәмәгать эшләрендә дә актив катнашалар. 30 декабрь көнне Кызыл Мишә авылы мәдәният йортында уздырылган Яңа ел кичәсендә мәктәп коллективы сәхнәләштерелгән чыгышы белән авылдашларын таң калдырды. Аларга алдагы тормышларында да шундый актив һәм позитив булуларын теләп калабыз.

Бүгенге укытучылар киңәшмәсендә түбәндәге темаларга презентацияле чыгыш ясалды:

1."Сәламәтлекләре чикләнгән балаларның ата-аналары белән эшләү чаралары" темасына башлангыч сыйныф укытучысы Гөлфия Рахимҗановна чыгыш ясады.

2. "Сәламәтлекләре чикләнгән балалар белән уку һәм танып- белү эшчәнлеген үстерү методлары" темасына рус телчесе Резеда Вакифовна чыгыш ясады.

3. "Сәламәтлекләре чикләнгән балалар белән класстан тыш чаралар" темасына бисер җыю,шахмат-шашка кружогы җитәкчесе Найлә Мөхәммәтовна чыгыш ясады.

4. Икенче чиреккә нәтиҗә ясау уңаеннан һәр класс җитәкчесенең чыгышы.

5. Коллективны мәктәп тормышындагы  яңалыклар һәм проблемалар белән уку-укыту һәм тәрбия эшләре җитәкчесе Халидә Миннуловна таныштырды.

Яңа ел бәйрәменә күп әкияти  кунаклар килде. Балалар урман кунагы Убырлыны, йомшак куяннарны, хат ташучы Печкинны бик яраттылар,алар белән чыршы тирәли әйләнделәр,уйнадылар,җырладылар.Кыш бабай белән Кар кызына һәр класс укучылары үзләренең  сәләтләрен күрсәттеләр, күп күчтәнәчләр һәм бүләкләр алдылар.Яңа ел бәйрәме күңелле, истә калырлык булып үтте.

Бүген безнең мәктәпкә Казан шәһәреннән "Право на жизнь!" волонтерлар оешмасы вәкилләре килде. Алар мәктәпкә матди ярдәм йөзеннән,балаларның буш вакытларын куңелле һәм мавыктыргыч итеп уздыру өчен күп төрле дидактик уеннар, музыкаль центр, баллы күчтәнәчләр алып килделәр. Балалар белән кызыклы уеннар уйнадылар, сабын көбегеннән шоу күрсәттеләр,һәрбер балага аерым уенчыклар,шарлар өләштеләр. Безнең мәктәп коллективы "Право на жизнь!" оешмасындагы оештыручыларга һэм генераль директор Вадим Валерьевичка чиксез рәхмәтләрен җиткерә.

Елдагыча гадәткә тугры калып быел да һәр класс укучысы стенгазета конкурсында актив катнаша.