Бүгенге укытучылар киңәшмәсендә түбәндәге темаларга презентацияле чыгыш ясалды:

1."Сәламәтлекләре чикләнгән балаларның ата-аналары белән эшләү чаралары" темасына башлангыч сыйныф укытучысы Гөлфия Рахимҗановна чыгыш ясады.

2. "Сәламәтлекләре чикләнгән балалар белән уку һәм танып- белү эшчәнлеген үстерү методлары" темасына рус телчесе Резеда Вакифовна чыгыш ясады.

3. "Сәламәтлекләре чикләнгән балалар белән класстан тыш чаралар" темасына бисер җыю,шахмат-шашка кружогы җитәкчесе Найлә Мөхәммәтовна чыгыш ясады.

4. Икенче чиреккә нәтиҗә ясау уңаеннан һәр класс җитәкчесенең чыгышы.

5. Коллективны мәктәп тормышындагы  яңалыклар һәм проблемалар белән уку-укыту һәм тәрбия эшләре җитәкчесе Халидә Миннуловна таныштырды.

Яңа ел бәйрәменә күп әкияти  кунаклар килде. Балалар урман кунагы Убырлыны, йомшак куяннарны, хат ташучы Печкинны бик яраттылар,алар белән чыршы тирәли әйләнделәр,уйнадылар,җырладылар.Кыш бабай белән Кар кызына һәр класс укучылары үзләренең  сәләтләрен күрсәттеләр, күп күчтәнәчләр һәм бүләкләр алдылар.Яңа ел бәйрәме күңелле, истә калырлык булып үтте.

Бүген безнең мәктәпкә Казан шәһәреннән "Право на жизнь!" волонтерлар оешмасы вәкилләре килде. Алар мәктәпкә матди ярдәм йөзеннән,балаларның буш вакытларын куңелле һәм мавыктыргыч итеп уздыру өчен күп төрле дидактик уеннар, музыкаль центр, баллы күчтәнәчләр алып килделәр. Балалар белән кызыклы уеннар уйнадылар, сабын көбегеннән шоу күрсәттеләр,һәрбер балага аерым уенчыклар,шарлар өләштеләр. Безнең мәктәп коллективы "Право на жизнь!" оешмасындагы оештыручыларга һэм генераль директор Вадим Валерьевичка чиксез рәхмәтләрен җиткерә.

Елдагыча гадәткә тугры калып быел да һәр класс укучысы стенгазета конкурсында актив катнаша.

Яңа ел бәйрәме якынлашу уңаеннан, балалар  дәрестән тыш чараларда укытучыларына,әти-әниләренә яңа ел бүләкләре әзерлиләр.

Мәктәбебездә урак өсте башланды.Икенче чирекне йомгаклау уңаеннан һәр класс контроль эшләр башкара. Укучыларыбызга уңышлар телибез.

Социаль көнкүреш дәресләрендә укучылар чисталыкка пөхтәлеккә, ризык хәзерләү серләренә, җәмгыяттә үз-үзенне тоту кагыйдәләренә өйрәнәләр. Бүген алар бүлмә гөлләрен тәрбияләделәр.

Мәктәбебездә яңа ел бәйрәменә әзерләнү башланды. Һәр класс укучылары  үз классларын үзенчәлекле итеп бизәргә  тырышалар.

Сегодня в нашей школе проводилась акция «Помоги птицам зимой!». После занятий учащиеся вместе с воспитателями сделали птицам кормушки и повесили их деревьям.

8 класс укучысы Машаның туган көнен барлык дуслары һәм классташлары белән билгеләп үттек. Үз чиратында Мария дусларын тәмле,зур торт белән сыйлады. Дуслары Мариягә истәлекле туган көн бүләге дә тапшырдылар.