Бүген 2а сыйныф укучылары китапханәдә экскурсиядә булдылар. Китапханәче Алинә Раилевна укучыларны китап укуга кызыксындыру  максатыннан яңа китаплар, сүзлекләр белән таныштырды, алар белән ничек эшләргә кирәклеген аңлатты. 

Республикабызда 5-6 сентябрьдә  билгеләп үтелгән Парклар һәм скверлар көннәре безнең мәктәбебездә дә спорт мәйданчыгы ачылу вакыйгасы белән истә калырлык булды. Шатлыгыбызны уртаклашып,  район башлыгы Рәис Миннеханов  һәм   ТР вице-премьеры Васил Шәйхразиев үзләренең изге теләкләрен җиткерделәр.

9-11 сыйныф укучылары белән әлеге акция кысаларында ачык дәрес үткәрелде. Дәрескә Эзмә авыл җирлеге башкарма комитеты белгече Хафизова Ф.М. чакырылды. Ул укучыларны җирле үзидарә органнарының финанс эшчәнлеге белән таныштырды һәм укучыларның әлеге өлкә буенча кызыксындырган сорауларына җаваплар бирде.

Бүген мәктәптә "Экстремизмга - юк!" дип аталган бердәм Республика дәресләре үткәрелде.Сыйныф җитәкчеләре укучыларга һәр халыкның традицияләрен, телен, динен,гореф-гадәтләрен хөрмәт итеп, үзара аңлашып, дус һәм тату яшәргә кирәклегенә төшендерделәр.

    Бүген мәктәбебездә  Белем көненә багышланган тантаналы бәйрәм кичәсе үтте. Бәйрәмдә укучылар, әти-әниләр, Саба муниципаль районы башлыгы Миннеханов Р.Н., мәгариф идарәсе  начальнигы Шакиров И.Ф., Эзмә авыл җирлеге территориясендә урнашкан оешма җитәкчеләре, Эзмә авылы имам хатыйбы Илнур хәзрәт катнашты.Котлаулар һәм   1-11 сыйныф укучылары чыгышыннан соң, укучылар беренче дәресләргә таралышты. 

29 август көнне мәктәбебездә укучылар һәм укытучылар катнашында экологик акция үткәрелде. Акция кысаларында Эзмә һәм Олыяз авылларындагы Бөек Ватан сугышында һәлак булганнар истәлегенә куелган һәйкәл яннары, мәктәп территориясе җыештырылды.