Район мәдәният йортында Укытучылар көне булып узды. Безнең мәктәпкә "Иң яхшы бакча" муниципаль конкурсының "Иң яхшы чәчәклек" номинациясендә II урын бирелде. Әлеге хезмәткә өлеше кергән һәрбер укучыбызга,укытучыларыбызга, техник хезмәткәрләргә зур рәхмәтебезне җиткерәбез.

Бүген иртәдән үк безнең мәктәптә бик күңелле булды: 10 сыйныф укучылары һәрбер укытучыга үзләре ясаган чәчәкләрне бүләк иттеләр, 5нче сыйныф укучылары сыйныф җитәкчеләре Нәзилә Ниязовна белән мәктәп коридорларын бизәде. Дәресләрдән соң әлеге сыйныф укытучылар өчен бик матур, үзенчәлекле кичә күрсәтте. Укучылар җыр, биюләр белән беррәттән кызыклы күренешләр дә күрсәтте, мәктәп буенча экскурсия дә үткәрделәр , укытучыларны бәйрәм белән котлап чәчәкләр һәм төрле илләргә сәяхәткә барып ял итеп кайту өчен "путевкалар" да бүләк иттеләр. Кыскасы, әлеге бәйрәмнән һәрберебез күтәренке кәеф, күңелләребез тулы шатлык белән таралыштык.

Район мәдәният йортында "Гаилә һәм мәктәп" журналы оештырган "Күркәм гаилә" бәйгесе үтте. Бу бәйгедә безнең мәктәптән Пүкәл авылында яшәүче Мансуровлар гаиләсе катнашып, бик матур чыгыш ясады.

10нчы сыйныф укучылары сыйныф җитәкчеләре Найлә Мансуровна белән озак еллар мәктәбебездә техник хезмәткәр булып эшләгән Флера апа янына барып, хәлләрен белеп, бәйрәм белән котлап кайттылар.

Бүген мәктәбебездә  балаларның куркынычсызлыгын тәэмин итү максатыннан  бердәм класс сәгатьләре үткәрелде .Укучыларга янгын сүндерүчеләр эше турында элементар белемнәр формалаштыру;янгын куркынычсызлыгы таләпләрен төгәл үтәү, шулай ук эвакуацияләү планы белән таныштыру; огнетушительне куллану күнекмәләре ныгытылды . Укучыларга янгын куркынычсызлыгы кагыйдәләрен аңлату; утның җылылык һәм яктылык чыганагы гына түгел, саксыз эш иткән очракта күп бәла-казалар сәбәпчесе булуы; сулыклар янында үз-үзенне саклау,үз - үзенне тоту; юл йөрү куркынычсызлыгы кагыйдәләрен төгәл үтәү кагыйдәләре аңлатылды. Куркынычсызлык кагыйдәләрен үтәү, гадәттән тыш хәлләр вакытында үз-үзеңне саклау, тормыш куркынычсызлык нигезләре темаларына әңгәмәләр, викториналар үткәрелде, презентацияләр, видеороликлар каралды, проект эшләре эшләтелде.

Укучыларыбыз һәм педагог - организатор Зиганшина Н.С. лаеклы ялдагы   укытучылар һәм техник хезмәткәрләрне бәйрәм белән котлап,өйләрендә булдылар. 

Бүген мәктәптә Корбан ашы үткәрелде.

 Укытучылар, укучылар катнашында бүген "Милләтләр кроссы-2015" үтте. Кросста җиңүчеләргә Эзмә авыл җирлеге башлыгы Гайфиев Р.Ш. грамоталар һәм акчалата бүләкләр тапшырды.

Бүген мәктәбебезнең горурлыгы булган  якташ язучыбыз, Татарстанның атказанган мәдәният хезмәткәре, Татарстан журналистлар берлегенең "Бәллүр каләм" бүләге иясе, Татарстан Журналистлар берлеге әгъзасы Гөлсинә Наил кызы Галимуллина белән очрашу булды.

21нче сентябрьдә укучыларның Бөтенроссия олимпиадаларының мәктәп турлары башланып китте. Бүген укучылар математика фәненнән олимпиада эшләрен башкардылар.