2 А сыйныфы укучылары белән педагог - оештыручы "Кил, Яңа ел!" темасына сбор үткәрде. Сборда укучылар Яңа елны кайсы илдә ничек каршылаулары белән таныштылар. Сыйныф бүлмәсен бизәү өчен кар бөртеге ясадылар, "Кыш бабай" җырын өйрәнделәр.

Бүген Ватан геройлары көне уңаеннан педагог - оештыручы Зиганшина Нәфисә Султанахметовна  4 сыйныф укучылары белән сбор үткәрде. Укучылар  видеоролик аша кемнәргә герой исеме бирелүен белеп киттеләр. Районыбызның Советлар Союзы геройлары белән таныштылар. Сбор Ватаныбыз азатлыгы өчен көрәшүчеләр истәлегенә салынган обелискка чәчәкләр кую белән тәмамланды.

Инвалидлар декадасы уңаеннан мәктәбебез укучылары, укытучылары һәм барлык хезмәткәрләре елдагыча традиция буенча хәйрия акциясендә катнашып, Югары Утар инвалид балалар йортына алып бару өчен  җылы оекбаш, башмак, бияләйләр, мунчалалар, концтоварлар һәм күп кенә күчтәнәчләрне бердәм булып җыеп алып барып тапшырдык. Әлеге изге эшебез белән анда тәрбияләнүчеләрне шатландыру   үзебезнең күңелләребезгә дә җылылык өстәде. Бу игелекле эшне алга таба да дәвамлы булыр дип ышанабыз. Акциядә катнашучыларның барысына  да рәхмәтебезне җиткереп,  киләчәктә дә мәрхәмәтле, изге күңелле булып  калуларын телибез.

Бүген мәктәбебездә 5 - 6нчы сыйныфлар арасында "Күңелле стартлар" уенының зона ярышлары үтте.

Инвалидлар ункөнлеге уңаеннан мәктәбебез укучылары  "Мәрхәмәт" исеме астында стена газетасы чыгардылар.

Инвалидлар декадасы уңаеннан оештырылган шашка ярышында мәктәбебезнең 2а сыйныфы укучысы Зиятдинов Ислам катнашып, уңышлы чыгыш ясап кайтты.

Россиядә ноябрь аеның соңгы якшәмбесе ел саен Әниләр көне булып билгеләп үтелә. Шул уңайдан мәктәбебездә традиция буенча 6нчы сыйныф укучылары "Кояш гомере телим мин, әнием сиңа!" дип аталган бәйрәм кичәсе үткәрде. Әлеге бәйрәм укучылар чыгышы һәм әниләр арасында бәйге-ярышлар белән үрелеп барды. Укучыларыбыз бәйрәмгә бик тырышып әзерләнгән: үз куллары белән бүләкләр ясаганнар, матур җыр-биюләр өйрәнгәннәр. Бәйрәмгә килгән әниләр соңыннан укучыларга һәм сыйныф җитәкчеләре Алинә Раилевнага зур рәхмәтләрен җиткереп, матур теләкләрен юлладылар.

Мәктәбебездә "Әнием елмаюы" дигән бик матур акция уздырылды. Әлеге акцияне мәктәп балалар Думасы членнары оештырды. Алар укучылар алып килгән фотолардан бик матур стенгазета чыгардылар.

Башлангыч сыйныф укучылары арасында якынлашып килүче Әниләр көне уңаеннан "Әниемә кояш бүләк итәм" исеме астында рәсем конкурсы үткәрелде. Иң яхшы рәсемнәр сайланып, җиңүче укучылар билгеләнде һәм грамоталар тапшырылды.

Мәктәбебезнең 4нче сыйныф укучылары Шәүкәт Биктимеров исемендәге театр конкурсына  Ф.Яруллинның "Хәзинә"  исемле спектаклен әзерләделәр һәм аны башлангыч сыйныф укучыларына күрсәттеләр. Спектакль укучыларга бик ошады.