Мәктәбебездә бүген әти-әниләр җыелышы үтте. Әлеге җыелышта ЮХИДИ хезмәткәре Закиров Д.Р., Саба муниципаль районы Башкарма комитетыннан вәкил Исхакова А.Р., Олыяз ФАП фельдшеры Джураева Г.Р. катнашып, эчтәлекле чыгышлар ясадылар.

Бүген мәктәбебездә  «Яшел алан» балалар оешмасының тантаналы җыены үткәрелде. Җыенга әзерлек эше алдан ук алып барылды. Укучылар шигырьләр, җырлар, эзтабарлар һәм варисларның законнарын,  вәгъдәсен, девизын  өйрәнделәр. Сборда отрядларның  һәм дружинаның сборга әзерлек рапортлары тапшырылды. 2 сыйныф укучыларын эзтабарлар сафына, 5 сыйныф укучыларын варислар сафына кабул итү булды. Аларга 6 -7  нче сыйныф укучылары галстук бәйләде. Сыйныф җитәкчеләре дә оешма сафына кабул ителде. Педагог организатор Нәфисә Султанахметовна укучыларны  котлап изге теләкләрен җиткерде.

Башлангыч сыйныф укучыларына Иләбәр авылы китапханәсе мөдире "Укучының мәдәни көндәлеге"н тапшырды.

Бүген мәктәптә Корбан ашы уздырылды. Юсупов З.З. укучыларыбызга вәгазьләр сөйләде, иманлы балалар булырга өндәде.

11 сентябрь - Бөтенрәсәй буенча аеклык көне уңаеннан мәктәп күләмендә әлеге темага акция үткәрелде. Укучылар белән  алкогольнең сәламәтлеккә, мөлкәти һәм рухи байлыкка китерелгән зыяны турында әңгәмә үткәрелде, видеоролик каралды.

Укучыларыбыз  “Көзге изгелек атнасы - игелекле эшләр эстафетасы” нда бик теләп катнашалар. Башлангыч сыйныф укучылары өчен “Мәрхәмәтле йөрәк” темасына рәсем конкурсы оештырылды. Ә югары класс укучылары ялгыз яшәүче өлкәннәр янында булып,  хәлләрен белеп,  йорт тирәсендәге эшләренә булыштылар.

8нче сентябрь – “ Игелекле сүз” көне булып билгеләнеп үтте. Укучыларның эш көне игелекле сүзләрдән башланды.Көн дәвамында укучылар матур сүзләрне  күбрәк кулланырга тырыштылар. Әлеге тема буенча классларда әңгәмәләр үткәрелде. 2нче класс укучылары белән матур сүзләргә багышланган тренинг үткәрелде.

7 нче сентябрь –“ Изгелеккә юл” акциясе кысаларында  укучылар презентация һәм видороликлар аша Республикабыз хәйриячеләре белән таныштылар. Аларның изге гамәлләренә сокландылар.

Республика күләмендәге  “Көзге изгелек атнасы- игелекле эшләр эстафетасы”- “Шәфкатьле Татарстан” иреклеләр акциясенә мәктәбебез бердәм кушылды. 5 нче сентябрь көнне  акция һәм план белән барлык укучылар һәм укытучылар таныштырылды.  6 нчы сентябрь-  “Дуслык көне”. Мәктәп ишегеннән кергәндә үк укучылар дуслык турында мәкальләр әйтеп керделәр.  Сыйныфларда “Дуслык белән көчле без” темасына әңгәмәләр үткәрелде, “Тик – так” эзтабар группасында сбор үткәрелде. Тәнәфесләрдә  флешмоб  - биюләр оештырылды.

Менә тагын җәйләр узды һәм сагынып көтеп алган 1 сентябрь – Белем бәйрәме килеп җитте. Бу көнне һәрберебез дулкынланып, шатланып каршы алдык: беренче тапкыр мәктәпкә баручылар да, өлкән сыйныфларда укучылар да, әти-әниләр дә. Балаларны да, өлкәннәрне дә шушы көтеп алынган ямьле бәйрәм белән тәбрик итәбез.