Мәктәп балалар Думасының мәгълүмат комитеты хокук бозуларны кисәтү максатыннан акция үткәрде. Акция барышында өлкән сыйныф укучылары белән әңгәмә үткәрелде һәм кагыйдәләр җыелмасы өләшенде.

Бүген башлангыч сыйныфлар укытучысы Набиева З.Т. "Ел укытучысы" конкурсының "Сыйныф җитәкчесе" номинациясендә катнашып, Тимершык урта мәктәбендә 2нче сыйныф укучылары белән "Дуслык бит ул - тормыш үзәге" дип исемләнгән сыйныф сәгате үткәрде.

   Бүген  мәктәбебездә 1-11нче сыйныф укучылары ГТО нормативларын тапшырдылар. Укучыларыбыз әлеге эшне уңышлы башкардылар. Шулай ук мәктәбебездә психологик десант булды. Психолог Кошкина И.М.  9,11 нче сыйныф укучылары өчен “ЕГЭ, ОГЭ га психологик әзерлек” темасына тренинглар  үткәрде. Ә логопед Шарипова Э.И.  сөйләмендә кимчелекләр булган укучылар белән эшләде.

Эзмә урта мәктәбе информатика фәненнән имтиханнарга әзерлек буенча ресурс үзәк булып тора. Бүген район укытучылары өчен әлеге үзәктә семинар үткәрелде. Семинар барышында укытучылар бердәм дәүләт имтиханында бирелгән мәсьәләләрне чишү алымнарын өйрәнделәр, белемнәрен ныгыттылар.

Ура! Каникуллар! Бүген каникулның беренче көнендә 5нче сыйныф укучылары "Нарат" боз сараенда тимераякта шуып кайттылар.

Бүген 3а сыйныф укучылары әти-әниләр белән берлектә башкалабыз Казан шәһәрендә экскурсиядә булдылар. Сәяхәтебез Салих Сәйдәшев музее белән танышудан башланды. Әлеге музейда укучыларыбыз бөек композиторыбыз турында бик күп мәгълүматлар алдылар. Ә балаларга иң күңелле өлеше цирк булгандыр, мөгаен. 3а сыйныф укучылары өчен көзге каникулның беренче көне әнә шулай мавыктыргыч булып башланып китте.

27 – 29нчы октябрь көннәрендә мәктәп күләмендә «Куркынычсыз интернет» темасы буенча дәресләр үткәрелде. Әлеге дәресләрдә укучыларга, әти-әниләргә интернет челтәрендә үз-үзеңне тоту кагыйдәләре тагын бер кабат аңлатылды. Бу дәрестә Эзмә авыл җирлеге башлыгы Гайфиев Р.Ш. та катнашты.

Мәктәбебездә дару үләннәре ( кызыл һәм кара миләш, балан, гөлҗимеш, алма) җыю оештырылды. Аларны үлчәп, тапшыру өчен әзерләп куйдык.

РДШ туган көн уңаеннан бүген 10нчы сыйныф укучылары флешмоб оештырдылар.

Бүген мәктәбебездә 1нче чирек нәтиҗәләре буенча ата-аналар җыелышы үткәрелде. Җыелышта информатика укытучысы Галиева Г.М. әти-әниләрне  интернет челтәрендә үз-үзеңне тоту кагыйдәләре белән дә таныштырды.