Балалар мәктәп Думасының спорт һәм сәламәтлек комитеты белән берлектә "Спорт-начар гадәтләргә каршы" исеме астында акция үткәрелде. Әлеге акциядә башлангыч сыйныф укучылары белән "Күңелле стартлар" уены оештырылды.

Әниләр көненә багышлап 3а сыйныф укучылары белән “Иң-иң кадерлеләребез – әниләребез” дигән бәйрәм кичәсе үткәрелде. Бәйрәмгә укучыларыбызның әниләре дә чакырылды. Балалар әниләренә үзләренең иң изге теләкләрен матур шигырь, җыр, биюләре аша җиткерделәр, үз куллары белән ясаган букетларын тапшырдылар.

Әниләр көне якынлашып килгәндә мәктәбебездә иң кадерле кешеләребезгә карата план нигезендә чаралар оештырылу дәвам итә. Укучыларыбыз иҗади эшләр конкурсында да теләп катнаштылар. Алар әниләренә багышлап аппликация, панно, рәсемнәр ясадылар, шигырь һәм иншалар яздылар.

 Эзмә урта мәктәбендә район мәктәпләренең тарих һәм җәмгыять белеме укытучылары семинары үткәрелде. Семинар барышында тарих укытучысы Сөләйманова Н.М. 8нче сыйныф укучылары белән тарих фәненнән, ә Хадиева Г.А. 5нче сыйныф укучылары белән җәмгыять белеменнән ачык дәресләр күрсәттеләр.Соңыннан “Тарих һәм җәмгыять белеме фәннәрен укытуда яңа педагогик технологияләр куллану” темасы буенча түгәрәк өстәл артында фикер алышу  булды. 

«Юл транспорт хәләкәтендә гомерләре өзелгәннәрне искә алу” көне уңаеннан үткәрелгән иҗади эшләр район конкурсында мәктәбебезнең 3 укучысының хезмәте комиссия тарафыннан уңышлы дип табылды.  Укучылар бүген районда үткәрелгән бүләкләү тантанасында катнаштылар. Иншалар конкурсында 9 сыйныф укучысы Закарова Нәргизә I  урын яулады. 3а сыйныф укучысы Мифтахова Азалиянең иншасы һәм Зиятдинов Исламның кул эше “Игътибарга лаек” дип билгеләнде.  Бу укучылар грамоталар һәм истәлекле бүләкләр белән бүләкләнделәр.

Мәктәп балалар Думасының "Белем комитеты" бүген "Иң акыллы укучы" акциясе үткәрде. Алар сыйныфлардагы иң күп "5"ле алучы укучыларны барладылар һәм әлеге укучылар атналык йомгаклау линейкасында билгеләп үтелделәр.

Мәктәп балалар думасы активистлары Эзмә авылында яшәүче тыл ветераны Фазлыева Зәкиябану әби янына барып хуҗалык эшләрендә булышып,  хәл белеп кайттылар.

    Сегодня в школе прошел Всероссийский День правовой помощи детям.Представитель исполкома Исхакова А.Р. и представитель ГИБДД Закиров Д.Р. провели беседу о правах и обязянностях с учениками 7-11 классов. Беседа сопроваждалась с показом презентации.

    Педагог-психолог ППМС центра “Семицветик” Ногуманова А.И. в игровой форме с показом отрывков из мультфильмов беседовала о правах ребенка. Напомнила младшеклассникам о телефоне доверия.

Мәктәп думасы информация комитеты членнары "Безнең мәктәп тормышы" темасына стенгазета чыгардылар.

Мәктәбебездә башлангыч сыйныф укучылары арасында    "Буду бдительным на льду" рәсем конкурсы үткәрелде. Иң матур дип табылган эшләр республика конкурсында катнашу өчен җибәреләчәк.