Ике теллекне тормышка ашыру буенча тәрбияче Султанова Гөлшат Гаптелхаевна федераль дәүләт таләпләрен тормышка ашыруда "Уен аша сөйләм теле үстерү" темасы буенча кечкенәләрдә эшләү алымнарына тукталып, киңәшләрен бирде.

Балалар бакчаларында һәм әти – әниләрне борчыган авазлардагы кимчелекләр һәм аларны бетерү өстендә эшләү алымнарын бакчабызның логопеды Миләүшә Халимова, килгән тәрбиячеләр белән бергә, практикум итеп үткәреп, киңәшләрен бирде. Һәм алар үзләренә кулланма итеп алырга өйрәнеп киттеләр.

Безнең "Әллүки" балалар бакчасының тирәсе гөлләргә күмелде.  Бакчабызның матурлыгы балалар күңеленә шатлык, әхлак күнекмәләре бирүдә ярдәм итә.  Бу инде үз чиратында, әти- әниләр белән дустанә мөнәсәбәттә эшләү нәтиҗәсе.

Тычканыбыз һәркөн иртән балаларны зарядкага чакыра.

Тычкан сигнал бирүгә,

Басарга өлгерәбез.

Тиз-тиз генә тезелеп,

 Бик җитез  йөгерәбез.

Хуш исле үләннәр салсам

Әгәр дә алларына,

Куяннар бит йөгерешеп

Киләләр яннарыма.

Бары да озын колаклы,

Барысы да йомшаклар.

Беләсезме? Бездән генә

Курыкмый бу куркаклар.

Бу җәйдә беренче эш сәгатьләрен башлаган укучыларыбыз бакчабызда тырышып эшлиләр. Аларга эш башлар алдыннан инструктажлар үткәрелеп эшләргә өйрәтелде. Хәерле сәгатьләрдә булсын хезмәт юлыгыз!!!

Ерактан күренеп торсын

Өчен, шулай төзибез.

"Әллүки"гә бу үзәккә

Ял итәргә килегез!

Бик сирәк кенә булса да,

Безнең яннан узыгыз.

"Райский уголок"ка килеп

Сокланып сез торыгыз!

Балалар яратып әкият карыйлар, һәм үзләре дә рольләргә кереп уйнарга яраталар.

Кояшыбыз безне җылыта.

Бакчабызга килгән барлык балаларны  чәчәкләребез  елмаеп каршы алалар. Әйе, матурлык тәрбияләү,  балаларның күңеленә  нәфислек салу безнең төп бурычларыбызның иң зурысы. Чәчәкләр аллеясы әти-әниләр һәм     тәрбиячеләрнең бердәм тырышлыклары. Әти-әниләр тәгәрмәч алып килсә,  кызларыбыз матур чәчәк үстерүчеләр, ә Расим абыйлары 22  вазаны оста итеп ясаучы. Рәхмәт Сезгә!