Бүгенге көн безнең бакчабызда юл йөрү кагыйдәләренә, аларны тагын бер кат искә төшереп үтүгә, белгәннәрне ныгытуга багышланды. Иң элек әңгәмәләр үткәрелде, "Юл йөрү кагыйдәсен беләсеңме?", "Юл билгеләре иленә сәяхәт" кебек викториналар оештырылды. Бакча биләмәсендәге юл йөрү мәйданчыгында белемнәр практик яктан өйрәнелеп, тагын бер кат искә төшерелде. Балалар үзләре юл билгеләренә таянып юлны төрле транспорт чаралары белән чыктылар. Әлеге чараларның максаты бик җитди: балаларны юл билгеләрен аера белүне, юлда хәвефсезлек кагыйдәләрен өйрәтүне дәвам итү; юлларда күзәтүчәнлекне, игътибарлыкны, мөстәкыйль фикерләүне үстерү; урамда, җәмәгать транспортында, торак зоналарда үз-үзеңне тоту мәдәниятен тәрбияләү. Шул ук вакытта балаларны коры җир, су һәм һава транспорт чараларын аера белергә, аларны чагыштырырга, һәр төр транспорт турында күзаллауларын өйрәтүне дәвам итү әһәмиятле булып кала.

Бу атна бакчабызда китапка багышланды. Китап, аның кайдан килүе, нәрсәдән эшләнүе, китапханәче хезмәте турында балаларның белемнәрен киңәйтү, китапханә белән турыдан-туры таныштыру аша балаларда күзәтүчәнлек, игътбарлылык, эзлекле фикерләү сәләтен үстерү, китапханәче һөнәренең мөһимлеген аңлату, китапханәче хезмәтенә карата ихтирам, китапханәдә үз-үзеңне тота белү сыйфатларын тәрбияләү, китап карау, укуга, белемгә омтылыш тәрбияләү, китапларга карата сак караш, хөрмәт тәрбияләү максатыннан “Китап киңәшчең синең” атналыгы үткәрелде. Атна дәвамында балаларга китапларның зур хәзинә булуы турында аңлатылды, күргәзмәләр оештырылды, яңа китаплар белән таныштырылды, таушалган китапларны яңартыргакирәклеге аңлатылды. Шунысы куанычлы, балалар өчен китаплар артканнан арта бара. Алар бик матур һәм мавыктыргыч итеп бизәлеп чыгарыла. Китапларга карата игътибарлылык тәрбияләү беркайчан да мөһимлеген югалтмый һәм безнең төп максат булып кала.

Күк - зәңгәр ефәктән

Корылган зур чатыр -

Күз явын алырлык,

Шундый саф һәм матур!

Җир каян бизәкләр

Алгандыр бу тикле?

Кояш та елмая

Без бик бәхетле!

Районыбызда "Чистый берег"акциясе булып узды. Бу акциягә барлык оешмалар үз өлешләрен керттеләр. Шул нияттән без дә"Шатлык" балалар бакчасы тәрбиячеләре җитәкчебез Миләүшә Корбангалиевна белән берлектә Байлар Сабасында узган өмәдә актив катнаштык. Тирә- ягыбызны чисталыкта тоту – безнең иң мөһим бурычыбыз булып тора.

На протяжении всей своей истории наша страна была вынуждена вести войны, защищая свою свободу и независимость от внешних врагов. Важной составляющей нравственно-патриотического воспитания детей является их знакомство с героическими страницами истории Родины. Сегодняшний день в нашем детском саду был посвящен знакомству такими важными памятными датами, как дни Ледового побоища и Бородинского сражения. А также, разумеется, провели беседу с детьми о Дне защитников Отечества, Дне народного единства и Дне Победы.

Үстеләр чәчәкләр,

Их, матур үзләре:

Резеда, георгин

Күгәрчен күзләре...

  Бакчабыз биләмәсен матурлау, ямьләндерү, бизәү буенча күп кенә эш алып барыла.Яз җитү белән хезмәткәрләребез һәм әти-әниләр тырышлыгында күп төрле,берсеннән-берсе матур гөлләр утыртылды. Җәйнең җылы, яңгырлы булуы чәчәкләргә хуш килде, тирә-юнь аллы-гөлле төсләргә күмелде. Табигать биргән матурлыкны күрә, тоя белергә өйрәтү,чәчәкләрне таный һәм аера белергә күнектерү максатыннан балалар белән даими күзәтүләр оештырыла. Чәчәкләрнең төсләренә, таҗ, яфракларының формаларына, төзелешенә игътибар ителә; аларны чагыштырып карау ысулы аша охшашлыкларын, аермалыкларын күрә белергә; таный һәм аера белү өстендә эш алып барыла. Өлкәннәр хезмәтенә хөрмәт, чәчәкләргә карата сакчыл караш тәрбияләнә. Зурлар төркеме балалары тәрбияче Ахметсафина Ләйсән Хазиевна белән берлектә "Чәчәкләргә күмелгән - гөлбакча" темасына әңгәмә вакытында сокландыргыч гүзәл чәчәкләрнең кешеләргә, аларның сәламәтлекләренә уңай йогыты ясавын аңлатты. Шушы матурлыкны саклый белергә кирәклеген төшендерде.

Иртә әле, вакыт бар дип,

Озак йоклап ятма син.

Кояштан алда уян да,

Флешмобта катнаш син.

"Шатлык" балалар бакчасында балалар һәм тәрбиячеләр катнашында флешмоб узды. Аның максаты музыка һәм бию хәрәкәтләре аша сәламәтлеккә тарту иде. Флешмобта катнашучылар төрле жанрдагы көйләргә рәхәтләнеп биедәләр, уңай эмоция алдылар.