1 октябрь - Өлкәннәр көне уңаенан бүген бакчабызда балаларны тәрбияләү һәм белем бирү өлкәсендә озак еллар эшләп лаеклы ялга киткән хезмәткәрләребез бәйрәм табынына чакырылды. Алар шушы коллективта бергә-бергә, иң-иңгә куеп хезмәт иткән елларын искә төшерделәр, вафат булган хезмәттәшләребез рухына дога кылдылар. Яшьләр тырышлыгында эзерләнгән бәйрәм чыгышларын җылы каршылап шушындый очрашуны оештырган өчен Миләүшә Корбангалиевнага, коллективка рәхмәтләрен җиткеделәр, киләчәктә дә бердәм булып, уңышларга ирешеп  эшләвебезне теләп калдылар.

Уеннар һәм ярышлар

Витамин кебек алар.

Күңелләрне үстерә

Йөрәкләргә көч бирә.

  Балаларны спортка тарту; аларда сәламәт яшәү рәвешенә омтылыш тәрбияләү; хәрәкәт эшчәнлегенең төрле формаларын өйрәнү барышында балаларның хәрәкәтләрен камилләштерү; уеннарда катнашасы килү теләге булдыру; физик күнегүләргә карата уңай мөнәсәбәт тәрбияләү өстендә Аухадиева Нурания Әюповна даими эш алып бара.

Падают, падают листья.

В нашем саду листопад.

Желтые, красные листья,

По ветру вьются, летят.

Осень на дворе... Время ярких красок.... Это такое время года, которое не оставляет никого равнодушным. Вот и мы сегодня с детьми старшей группы наблюдали за изменениями в природе осенью. Особенно их привлекла с краснеющими гроздьями рябина.  Мы с детьми получили большое удовольствие от сегодняшней прогулки.

Хөрмәтле хезмәттәшләр! Сезне һөнәри бәйрәмебез 27 - сентябрь мәктәпкәчә белем бирү оешмаларында эшләүче хезмәткәрләр көне белән чын күңелдән котлыйбыз! Сезгә саулык-сәламәтлек, озын гомер, кирәкле шул ук вакытта җаваплы эшегездә уңышлар, балаларыбызның исән-имин булып, шат күңелле, бәхетле булып үсүләрен теләп калабыз!

Бүген икенче кечкенәләр төркеме балалары тәрбияче Әнисә Әминовна белән берлектә Мәктәп урамындагы транспорт, җәяүлеләр хәрәкәтен күзәттеләр. Транспорт чараларының төрле булуы билгеләп үттелде, урам аркылы чыкканда махсус урыннардан чыгарга кирәклеге аңлатылды.

Балаларны табигатьнең матурлыгын күрә, соклана белергә өйрәтү, табигатькә карата сакчыл караш тәрбияләү балалар бакчаларында башлана! Тәрбиячеләр көндәлек саф һавага чыгу, табигатьне күзәтү вакытында күп кырлы эш алып баралар. Тере һәм тере булмаган табигатьтәге сезонлы үзгәрешләрне күзәтеп аермалыкларын күрергә өйрәнәләр. Бүген уртанчылар төркеме балалары тәрбияче Гүзәл Хамзевна белән берлектә бакча биләмәсендә үсүче агачларны күзәттеләр һәм "Яфракларыннан таны" уенын уйнап күзәтү вакытында алган белемнәрен ныгыттылар.

Балаларны кече яшьтән спорт белән шөгыльлләнеп сәламәт яшәү рәвеше алып барырга күнектерү, үстерү, чыныктыру максатыннан 25 сентябрь көнне Россия, Татарстан, район күләм "Милләтләр кроссы - 2016" үткәрелде. Кросста зурлар, мәктәпкә әзерлек төркеме балалары, хезмәткәрләр йөгерештә теләп катнаштылар. Йөгерештә катнашкан һәр балага истәлекле бүләкләр тапшырылды.

Бүген беренче кечкенәләр төркемендә әти-әниләр җыелышы үткәрелде. Әти-әниләргә тәрбияче Сафиуллина Әлфия Камилевна җитәкчелегедә балаларның логик фикерләү сәләтен, игътибарлылыкны үстерүче уеннар уйнатылды, музыка җитәкчеләре Диләрә Ильдусовна, Нурания Әюповна белән берлектә әзерләнгән концерт номерлары күрсәттелде. Гилемханова Әнисә Әминовна балаларның яшь үзенчәлекләре, тәрбияви бурычлар белән белән таныштырды.