Уку елының иң озын чиреге-3нче чирек тәмамланды. 20 марттан 30 мартка кадәр укучылар язгы каникулда.Укучылар да укытучылар да каникул вакыты дип тормыйлар , мәктәптә эш гөрли. Түгәрәкләрдә  шөгыльләнәләр,сәләтле  һәм фәннәрне авырдан үзләштерүче укучылар белән аерым эш планы нигезендә эш алып барыла,консультацияләр уза.Укучыларыбыз район һәм зона ярышларда катнашалар.

Укырга кая барырга? Әлеге сорау югары класс укучыларын гына түгел, аларның әти-әниләрен дә борчый. Үзең теләгән, синең мөмкинлекләреңә туры килгән һөнәр сайлаганда гына эшеңнән ямь  табып хезмәт куярга һәм уңышка ирешергә була. 19 март көнне мәктәбебезнең 2015нче елгы  чыгарылыш укучысы Газизова Зилә 8-11 класс укучыларына үзе белем ала торган Казан дәүләт архитектура һәм төзелеш университеты турында сөйләде, әлеге уку йортына керү шартлары, факультетлар, белгечлекләр белән таныштырды. Укучылар игътибарына уку йорты турында видео һәм буклет тәкъдим ителде.

18 март көнне мәктәптә гомуми ата-аналар җыелышы узды. 

Көн тәртибе:

1. “Туберкулез. Аны кисәтү  чаралары”  (Олы Кибәче авылы фельдшеры  Давлиева Р.М. чыгышы).

2. Мәктәптә укучыларның туклануын оештыру. (ата-аналар комитеты рәисе Хабибуллина С.Н. чыгышы)

3. Аталар советы эшчәнлеге (Аталар советы члены Галиахметов И.Х. чыгышы).

4. “Буш вакытны дөрес уздырабызмы?” ( класс җитәкчеләре методик берләшмәсе җитәкчесе Сафина С.З. чыгышы)

5. 3нче чиректә укыту эшчәнлегенә  анализ  (укыту эшләре буенча директор урынбасары Габделхаева Р.Р. чыгышы)

6. 3нче чиректә тәрбия эшчәнлеге (тәрбия эшләре буенча директор урынбасары Измайлова Г.М. чыгышы).

7. Мәктәп эшчәнлегенә караган төрлеләр (мәктәп директоры Мухаметзянов Р.Р. чыгышы).

"Балалар китабы"атналыгы кысаларында 1-3 сыйныф укучылары арасында "Әкият геройлары бездә кунакта" дигән исем астында рәсем , 4 сыйныф укучылары белән "Минем яраткан китабым" темасына иншалар бәйгесе үткәрелде.Укучыларның эшләренә бәя бирелде һәм истәлекле бүләкләр тапшырылды.

       В Центре детского творчества состоялся районный  фестиваль иностранных языков. Фестиваль проводился по трем направлениям художественного  творчества: «Песня», «Стихотворное произведение», «Театрализованное представление». На фестивале иностранных языков приняли участие учащиеся 6 класса Давлиева  Айзиля  и Хамидуллина Ляйля по направлению «Песня»(учитель  Исмагилова Ч.Р.).Им вручены Сертификаты.

   Бүген Икшермә кадет мәктәбендә волейбол буенчаукытучылар арасында зона ярышы булып үтте.Мәктәбебезнең  укытучылар командасы II урынга лаек булып,финалда катнашу хокукы алдылар.

Бүген 5 класста географиядән "Җирнең эчке төзелеше" темасына ачык дәрес узды. Яңа тема аңлату дәресендә күрсәтмәлелек бик нәтиҗәле кулланылды. ФДБС таләпләре үтәлгән,  Сингапур структуралары уңышлы кулланылган дәрестә укучылар теманы яхшы үзләштерделәр. Укытучы-Сафина С.З.

6 класста "Россия-Кырым: дуслык күпере" темасына класс сәгате узды. Класс сәгатендә 1нче төркем Кырым тарихы, табигате турында чыгыш ясаса, 2нче төркем Кырым-Россия дуслыгы турында сөйләде. Укучылар белән фикер алышу үткәрелде, Конституция статьялары белән таныштырылды. Класс җитәкчесе-Каримова Л.Р.

15 март көнне мәктәбебездә башлангыч класс укучылары өчен Гаилә бәйрәме узды. Бәйрәм "Буратино" (кызлар), "Аdidas" (малайлар), "Әниләр" (әниләр) һәм "Татарстан" (әтиләр) командаларының үзләрен тәкъдим итүе белән башланып китте. Командалар төрле кызыклы эстафеталарда көч сынаштылар, иҗади биремнәр үтәделәр, татар халык уеннарын уйнадылар. Һәр бәйге концерт номерлары белән чиратлашты. 

Мәктәбебездә кызлар һәм малайлар өчен "Оста куллар" түгәрәкләре эшли. Бу түгәрәкләрдә укучылар яратып шөгыльләнә, төрле кул эшләренә өйрәнә. Профориентация айлыгы кысаларында кул эшләреннән күргәзмә оештырылды. Күргәзмәдә  агачны көйдереп ясау, витраж, квиллинг, батик техникалары белән ясалган кул эшләре, акварель белән ясалган картиналар  тәкъдим ителде.