Бүген лагерь балалары күрше Яңавыл авылына кунакка бардылар. Алар анда ипи пешерү, минераль су җитештерү цехында, икмәк саклау урыннарында, тегермәндә, авыл китапханәсендә булдылар. Укучыларга бик күңелле һәм кызык булды.

    Хезмәтне саклау буенча эвакуация планы белән танышып, мәктәп яны "Сабантуй" лагерена йөрүче балалар өчен бүген эвакуация үткәрелде. Укучылар чыгу юллары белән таныш. Барысы да бик аз вакыт эчендә куркынычсыз урынга тезелеп бастылар.

       Барлык укытучыларны, укучыларны һәм аларның әти-әниләрен ЗУР бәйрәм "СОҢГЫ КЫҢГЫРАУ" бәйрәме белән котлыйбыз!!! Чыгарылыш укучыларына киләчәк юлларында, ап-ак юллар, уңышлар, бәхет, имтиханнарын бик яхшы билгеләргә биреп, югары уку йортларына керүләрен телибез!

Кайчан гына әле күбәләктәй

Ашкынып килдегез мәктәпкә

Җиз кыңгырау дәште сезне һәркөн

Яңалыклар тулы дәрескә.

              Үтте бик күп айлар, үтте еллар.

              Күз алдында үсеп җиттегез.

              Белем үрләренә омтылдыгыз

             Бәйгеләрдә бик еш җиңдегез.

Мәктәптә сез канат ныгыттыгыз,

Хәзер инде очып китәсез.

 Шатлык, куаныч,изге күңел белән

Каршылагыз һәр көн иртәсен.

Бүген 11 нче сыйныф укучылары татар теленнән имтихан бирделәр.

    17 нче апрель көнне мәктәп күләмендә чираттагы ата-аналар җыелышы үткәрелде.Көн тәртибендә 9,11 нче сыйныфларның бердәм дәүләт имтиханнары, административ контроль эшләр, җәйге чорда укучылар арасында курынычсызлык кагыйдәләре,җәйге эшләр, алда торган бурычлар турында сүз алып барылды.

     15 нче апрельдән 15 нче майга кадәр мәктәп күләмендә "Профориентация айлыгы" игълан ителде. Айлыкта һәр сыйныф үзләренең эшләгән эшләрен тәкъдим иттеләр. Югары сыйныф укучылары арасында анкеталар үздырылды,төрле һөнәр ияләре белән очрашулар булды,  сыйныф сәгатьләре үткәрелде. Ә башлангыч сыйныфлар арасында һөнәр сайлауга карата иншалар язылды һәм рәсемнәр ясалды. 

    Бүген Биектау урта гомуми белем бирү мәктәбендә сугыш кырларында һәлак булган һәм исән кайтып туган җиребездә үлгән авылдашлар истәлегенә куелган һәйкәл янында митинг булды. Мәктәп укучылары сугыш  һәм тыл ветераннары,  җирле үзидарә вәкилләре, авылдашлары каршында чыгыш ясадылар. Ветераннарга карата бик күп җылы сүзләр әйтелде. Район хакимияте һәм “Кулон” ЯАҖ тарафыннан әзерләнгән бүләкләрне ветераннар сөенеп кабул итте. “Без күргәннәрне сезгә күрергә язмасын” дигән теләктә бәйрәмне табын янында дәвам иттеләр.