22 нче сентябрь көнне гимназиядә дүшәмбе иртәсе традицион рәвештә Рәсәй һәм Татарстан флагларын күтәрүдән, гимннарны башкарудан башланып китте.
Тантанадан соң "Мөһим сөйләшүләр" дәресләр циклы дәвам итте. Укучылар белән "Атом сәнәгате хезмәткәрләре көне" дигән темага сөйләшүләр алып барылды. Дәреснең максатлары:
- атом тармагы үсешенә өлеш керткән галимнәргә карата горурлык хисе тәрбияләү;
- атом технологияләре белән бәйле фән һәм техниканың перспектив юнәлешләренә кызыксыну уяту.

20 нче сентябрь көнне Казан шәһәренең 35 нче лицеенда Әтиләр көненә багышланган спорт ярышы булып узды. Ярышта гимназиябезнең данын әтиле- уллы Фазуллиннар гаиләсе яклады. Алар барлык этапларда югары нәтиҗәләр күрсәттеләр һәм 4 нче урынга лаек булдылар!
"Югары күрсәткечләре, гимназиябез данын яклаганнары өчен Фазуллиннар гаиләсенә, җанатарларга зур рәхмәтләребезне белдерәбез!"- дип матур теләкләрен җиткерде гимназия директоры Гөлшат Әбүзәровна.

20 нче сентябрь көнне гимназиябез укучылары "Урам" паркында оештырылган "Милләтләр кроссы- 2025" масштаблы спорт чарасында катнаштылар. Шулай ук гимназия территориясендә дә укучылар белән көзге кросс үткәрелде.
Әлеге чаралар сәламәт яшәү рәвешен пропагандалау, җиңел атлетиканы популярлаштыру, балалар һәм өлкәннәрнең актив ялын оештыру максатыннан уздырыла.

Гимназиябездә тарихи вакыйга - “Алдынгылар хәрәкәте” нең беренчел бүлек советы рәисен сайлау узды.
417 сайлаучының тавышлары түбәндәгечә бирелгән:
1. Мәхмүтова Камилә - 320;
2. Галимәнова Мәликә - 86;
3. Бозылган бюллетеннәр - 11.
Шулай итеп, сайлауда күпчелек тавыш белән 10 нчы сыйныф укучысы Мәхмүтова Камилә җиңде! Камиләне чын күңелебездән котлыйбыз!
Камилә, җаваплы вазифаңда сиңа уңышлар телибез! Урынбасарың Мәликә белән һәрвакыт шулай бер дулкында булып, бердәм команда туплап яңа үрләр яуларга язсын!

Видеога сылтама: https://vk.com/club216931602?from=groups&z=video-216931602_456239435%2F8883876d0ec31cd1f2%2Fpl_wall_-216931602

Сайлау алды дебатларында кандидатлар Мәхмүтова Камилә һәм Галимәнова Мәликә үзләренең эш программалары, төп эшчәнлекләре белән таныштырдылар, видеовизитка тәкъдим иттеләр, укучыларның сорауларына җаваплар бирделәр.
Дебатларда махсус чакырылган кунаклар- "Алдынгылар хәрәкәте" нең төбәк бүлеге җитәкчесе Сөләйманов Тимур Җәүдәтович һәм әлеге хәрәкәтнең Казан бүлекчәсе җитәкчесе Бариев Динар Раилович та катнаштылар. Алар укучыларга уңышлар теләделәр, хәрәкәтнең әһәмияте турында сөйләделәр.

Видеоларга сылтамалар: https://vk.com/club216931602?from=groups&z=video-216931602_456239434%2F59ee99c5e5836cd780%2Fpl_wall_-216931602

https://vk.com/club216931602?from=groups&z=video-216931602_456239433%2F3896a8e552e9e241a4%2Fpl_wall_-216931602

Гимназиябез активистлары Галиева Ясминә, Набиуллина Азалия, Прибыльская Азалия, Шайхеева Зәринә, Вагизова Сәмирә һәм Шигапов Данияр "Алдынгылар хәрәкәте" сафларына кабул итү тантанасында катнашып кайттылар.
Укучыларыбызны әлеге истәлекле вакыйга белән котлыйбыз! Эшчәнлекләрендә уңышлар телибез!

Гимназиябездә “Алдынгылар хәрәкәте” нең беренчел бүлек советы рәисен сайлау буенча чаралар үткәрелде.
Төп кандидатлар исемлеге:
1. Мәхмүтова Камилә – 10 сыйныф;
2. Галимәнова Мәликә – 8А сыйныфы.
Агитация барышында барлык кандидатлар үзләренең эш программасын тәкъдим итттеләр, сайлау алды программасы белән листовкалар тараттылар, кандидатлар дебатында катнаштылар. Без үз чиратыбызда барлык кандидатларга да сайлауларда уңышлар телибез! Лаеклы кандидатны бергәләп сайлыйк!

Гимназиябезнең 9А сыйныфы укучылары "Казан Экспо" күргәзмәләр үзәгендә узган "Kazan Digital Week" халыкара форумда катнаштылар. Форум кысаларында "ProSkills: пробуй и выбирай профессию" исемле профориентацион чара оештырылды. Укучылар булачак һөнәрне дөрес сайлау өчен тест уздылар, күргәзмәдә төрле компанияләрнең эшчәнлеге белән таныштылар, бүләкләр оттылар. Укучыларыбызга әлеге экскурсия бик ошады.

15 нче сентябрь көнне гимназиядә дүшәмбе иртәсе традицион рәвештә Рәсәй һәм Татарстан флагларын күтәрүдән, гимннарны башкарудан башланып китте.
Тантанадан соң "Мөһим сөйләшүләр" дәресләр циклы дәвам итте. Укучылар белән "Сәнгать кешеләрне берләштерә" дигән темага сөйләшүләр алып барылды. Дәреснең максатлары:
- кеше тормышында сәнгатьнең ролен ачыклау;
- илебез мәдәниятенең дөньякүләм мирас өлеше буларак әһәмиятен аңлау.

13 нче сентябрь көнне гимназиядә традицион рәвештә көзге Хәйрия ярминкәсе оештырылды. Һәр сыйныф укытучылар һәм әти- әниләр белән берлектә мул, үзенчәлекле өстәлләр әзерләделәр.
"Хөрмәтле коллегалар, әти- әниләр һәм укучылар! Әлеге чара безне берләштерә һәм укучыларыбызда мәрхәмәтлелек хисе тәрбияли, бүгенге вакытта авыручы балаларга ярдәм итә. Бергә без 455 913 сум җыйганбыз, бу бик зур сумма! Эшләгән изгелекләребезнең ярдәме тисен, бәрәкәте булсын. Барыбызга да имин тормышта, тигезлектә балаларыбызны үстерергә насыйп булсын, дөньяларыбыз тыныч булсын!"- дип үзенең рәхмәт сүзләрен җиткерде гимназия директоры Гөлшат Әбүзәровна.

Видеога сылтамалар: https://vk.com/club216931602?from=groups&z=video-216931602_456239427%2Fede2ee99929d99d4ea%2Fpl_wall_-216931602

https://vk.com/club216931602?from=groups&z=video-216931602_456239428%2F4826d775e72da2d6d6%2Fpl_wall_-216931602