2А сыйныфы укучылары сыйныф җитәкчеләре Гөлфия Рөстәмовна, әти - әниләр белән берлектә Габдулла Тукай әкиятләре һәм шигырьләре буенча куелган "Печән базарында" милли театраль - цирк тамашасында булып кайттылар.
"Үзенчәлекле милли шоу барыбызга да бик ошады! Тамаша цирк номерлары белән үрелеп барды. Ә иң мөһиме - спектакль татар телендә, персонажлар татар телендә сөйләштеләр, шигырьләр татар телендә яңгырады!"- дип хис - кичерешләре белән бүлеште Гөлфия Рөстәмовна.

Картаймагыз әле, ветераннар,
Сезгә тиеш әле бик күп язлар,
Сезгә тиеш әле бик күп назлар!
Якынлашып килүче Бөек Җиңү бәйрәме уңаеннан, гимназиябез укучылары Республикабыз Рәисе һәм шәһәребез Мэры исеменнән ветераннарны Бөек Җиңү көне белән котладылар, бүләкләр тапшырдылар. Укучылар ветераннарга ныклы сәламәтлек, озын гомер, имин тормыш теләделәр һәм барысы өчен дә рәхмәтләрен белдерделәр!

Видеога сылтама: https://vk.com/club216931602?z=video-216931602_456239266%2Ff115144f3833feacd4%2Fpl_wall_-216931602

Гимназиябез укучылары тәрбия эшләре буенча директор киңәшчесе Гөлчәчәк Әсхатовна белән берлектә "Игелеккә биш адым" марафонына кушылдылар. Марафонның һәр көне изге, файдалы эшләргә багышланды:
1. "Без төрле, без бергә" - «Апрель» реабилитация үзәгендә балалар белән очрашу;
2. "Добрые крышечки" экологик акция;
3. 362 нче номерлы балалар бакчасында "Мин үскәч тылсымчы булам" исемле мастер - класс;
4. "Сыерчыкка - оя" акциясе;
5. "Батырлыкка һәрчак урын бар" - "Мәңгелек ут" обелиск территориясен чистарту (сквер Славы).
Әлеге марафонда катнашкан һәр укучыга зур рәхмәт!

Видеога сылтама: https://vk.com/club216931602?z=video-216931602_456239265%2Fcbc7c3bdc628e592cb%2Fpl_wall_-216931602

Бүгенге "Россия - минем горизонтларым" дәрестән тыш эшчәнлек курсы "Креатив һөнәр юнәлешләре" темасына багышланды. Укучылар "иҗади индустрия" төшенчәсе белән таныштылар, продюсер эшчәнлеге турында фикер алыштылар.

Бөек татар шагыйре Габдулла Тукайның туган көне уңаеннан үткәрелгән "Мәңгелек шигърият" бәйгесенә нәтиҗәләр ясалды. Җиңүчеләрне "Шәрык клубы"нда тантаналы рәвештә бүләкләделәр. Безнең җиңүләр:
- 3А сыйныфы укучысы Гараева Сәидә "Индивидуаль башкару" номинациясендә I дәрәҗә диплом ( җитәкчесе Дания Габдулловна);
- 2А сыйныфы укучылары "Коллектив башкару" номинациясендә II дәрәҗә диплом (җитәкчеләре Гөлфия Рөстәмовна, Фәния Наилевна, Гөлназ Зөфәровна);
- 2А сыйныфы укучысы Нәфыйкова Нурия "Индивидуаль башкару" номинациясендә III дәрәҗә диплом (җитәкчеләре Гөлфия Рөстәмовна, Фәния Наилевна, Гөлназ Зөфәровна).
Укучыларны һәм җитәкчеләрен югары нәтиҗәләре белән котлыйбыз!!!

2Б сыйныфы укучылары сыйныф җитәкчеләре Лилия Гансовна белән берлектә "Шоколадушка" музеенда кызыклы мастер - класста катнашып кайттылар.

Видеога сылтама: https://vk.com/club216931602?z=video-216931602_456239263%2F991d5cff7ea3cf0ced%2Fpl_wall_-216931602

27 нче апрель көнне гимназиядә шимбә иртәсе РФ һәм ТР Дәүләт флагларын күтәрү һәм гимннарны башкарудан башланды. Тантанадан соң барлык сыйныфларда "Мөһим сөйләшүләр" уздырылды. Дәреснең темасы "Экологик куллану" дип аталды. Укучылар белән табигатебезне, җиребезне саклау, чүпләрне аралау юллары турында әңгәмә алып барылды. "Мөһим сөйләшүләр" барышында укучылар видеоөзекләр карадылар, интерактив биремнәр эшләделәр, фикер алыштылар.

Гимназиянең 2А сыйныфы укучысы Шакирова Зилә Габдулла Тукай исемендәге әдәби музейда үткәрелгән "Ядкәрләрдә Тукай рухы" бәйгесендә "Поэзия" номинациясендә үзе иҗат иткән шигырь белән беренче урынга лаек булды. Зиләне һәм укытучысы Гөлфия Рөстәмовнаны җиңүләре белән котлыйбыз, иҗади уңышлар теләп калабыз!!!

Видеога сылтама: https://vk.com/club216931602?z=video-216931602_456239264%2F17652a3639de5e2378%2Fpl_wall_-216931602

Психология атналыгын йомгаклап, укучылар белән үткәрелгән чаралар:
1) "Комплимент ясый беләсеңме?" дигән темага тренинг;
2) "Бәхетле мизгелләр агачы" дип исемләнгән интерактив дәрес;
3)  Шәхси ресурсларны ачыклау максатыннан "Әкият иле картасы" уены.

26 нчы апрель - татар дөньясы өчен истәлекле дата, бөек шагыйребез Габдулла Тукайның туган көне! Шагыйрь калдырган иҗат мирасы - безнең горурлыгыбыз.
Шул уңайдан укучыларыбыз белән "Тукай әкиятләрендә кунакта" дип аталган әдәби викториналар үткәрелде. "Табышмаклар аша Тукайны таныйбыз", "Эмоджилар" уеннарында балалар язучының тормыш юлын һәм иҗатын искә төшерделәр. Татар теле һәм әдәбияты укытучысы Равил Хәсәнович Габдулла Тукайга багышлап язган шигырен укучыларга тәкъдим итте. Әлеге әдәби чара "Туган тел" җыры белән тәмамланды.

Видеога сылтама: https://vk.com/club216931602?z=video-216931602_456239258%2F5715572b165de985f5%2Fpl_wall_-216931602