Гимназия китапханәсендә китапханәче Зөлфия Рафаильевна һәм тәрбия эшләре буенча директор киңәшчесе Гөлчәчәк Әсхатовна җитәкчелегендә Бөек Ватан сугышы темасына багышланган киноклуб оештырылды. Укучылар "Ванька" һәм "Герой вне времени" фильмын карадылар. Ахырдан укучылар әлеге фильмнар буенча фикер алыштылар.

Гимназия укучылары тәрбия эшләре буенча директор киңәшчесе Гөлчәчәк Әсхатовна җитәкчелегендә "Солнечный" реабилитация үзәгендә мөмкинлекләре чикле балаларга Бөек Җиңү көненә багышланган "Җиңү салюты" бәйрәм чарасы оештырдылар. Укучылар "Журавли" әдәби - музыкаль композициясе, "Катюша" җыры һәм "Үлемсез полк" шигыре белән чыгыш ясадылар. Барлык башкарылган чыгыш патриотик нотада узды!
Ахырдан укучыларыбыз "Солдат пилоткасы" дип аталган мастер - класс үткәрделәр һәм үзләре белән алып килгән бүләкләрне тапшырдылар. Әлеге чараны оештырган өчен Гөлчәчәк Әсхатовнага һәм укучыларга рәхмәт белдерәбез!

Видеога сылтама: https://vk.com/club216931602?z=video-216931602_456239269%2Fd9f3e5c0d029098d00%2Fpl_wall_-216931602

Бөтенроссия патриотик "Георгий тасмасы" акциясе - халкыбыз батырлыгына хөрмәт, үз җиреңне, телеңне, исемеңне яклау эстафетасы. Гимназиябез укучылары да әлеге патриотик чарага кушылдылар. Балалар Җиңү символының тарихы һәм әһәмияте белән дә таныштылар.

Видеога сылтама: https://vk.com/club216931602?z=video-216931602_456239280%2Fa851356e53d1390e10%2Fpl_wall_-216931602

Гимназия укучылары хәзерге вакытта махсус хәрби операциядә хезмәт итүче батырларыбызга рәхмәт белдерү өчен "Солдатка хат" патриотик акциягә кушылдылар. Бөек Җиңү көне алдыннан алар җылы сүзләр һәм теләкләр белән хатлар яздылар. Әлеге акция - буыннар элемтәсе символы, ата - бабаларыбызның батырлыгын онытмавыбыз һәм бүген Ватаныбызны саклаучыларга теләктәшлек күрсәтүебезне искәртү.

Сугыш чоры балалары без,
Бик тиз үтте безнең балачак.
Тәгъдирләргә әллә язылганмы?
Кем уйлаган шулай узачак. (Фәһим Хабибуллин)
Гимназия китапханәсендә "Бөек һәм мәңгелек батырлык" дип исемләнгән чара үткәрелде. Укучылар белән сугыш чоры балаларының язмышлары турында сөйләшү алып барылды. Сугыш чоры балалары ятимлек ачысын да татыганнар, ачлык белән дә күзгә - күз очрашканнар. Тик тормышта никадәр авырлыклар күрсәләр дә, алар сынмыйча - сыгылмыйча яшәүләрен дәвам иттеләр. Чара ахырында укучылар китапханәче Зөлфия Рафаильевна белән берлектә сугыш чоры әдәбияты буенча оештырылган күргәзмә белән таныштылар.

Гимназиябез укучылары "Җиңү тәрәзәләре" ("Окна Победы") дип исемләнгән Бөтенроссия патриотик акциягә кушылдылар. Әлеге чара - ветераннарга чиксез рәхмәт сүзләрен белдерү, батырларның истәлеген саклап калырга ярдәм итәр өчен тагын бер мөмкинлек.

Бүгенге "Мөһим сөйләшүләр" Бөек Җиңү көненә багышланды. Дәреснең максатлары: укучыларга патриотик тәрбия бирү, илебезнең тарихы, үткәне белән горурлану хисләре уяту. Дәрес барышында укучылар Севастопольне һәм Кырымны фашистлардан азат итүгә 80 ел тулуга багышланган видеоязмалар белән таныштылар, сугыш чорында эшләнгән батырлыклар турында фикер алыштылар, рәсемнәр ясадылар.
Ватаныбыз өчен гомерләрен биргән, киләчәк буыннарга тыныч көннәр бүләк иткән батырларга олы рәхмәтебезне белдерәбез! Киләчәктә дөньялар тыныч, илләр имин булсын иде!

2А сыйныфы укучылары сыйныф җитәкчеләре Гөлфия Рөстәмовна, әти - әниләр белән берлектә Габдулла Тукай әкиятләре һәм шигырьләре буенча куелган "Печән базарында" милли театраль - цирк тамашасында булып кайттылар.
"Үзенчәлекле милли шоу барыбызга да бик ошады! Тамаша цирк номерлары белән үрелеп барды. Ә иң мөһиме - спектакль татар телендә, персонажлар татар телендә сөйләштеләр, шигырьләр татар телендә яңгырады!"- дип хис - кичерешләре белән бүлеште Гөлфия Рөстәмовна.

Картаймагыз әле, ветераннар,
Сезгә тиеш әле бик күп язлар,
Сезгә тиеш әле бик күп назлар!
Якынлашып килүче Бөек Җиңү бәйрәме уңаеннан, гимназиябез укучылары Республикабыз Рәисе һәм шәһәребез Мэры исеменнән ветераннарны Бөек Җиңү көне белән котладылар, бүләкләр тапшырдылар. Укучылар ветераннарга ныклы сәламәтлек, озын гомер, имин тормыш теләделәр һәм барысы өчен дә рәхмәтләрен белдерделәр!

Видеога сылтама: https://vk.com/club216931602?z=video-216931602_456239266%2Ff115144f3833feacd4%2Fpl_wall_-216931602

Гимназиябез укучылары тәрбия эшләре буенча директор киңәшчесе Гөлчәчәк Әсхатовна белән берлектә "Игелеккә биш адым" марафонына кушылдылар. Марафонның һәр көне изге, файдалы эшләргә багышланды:
1. "Без төрле, без бергә" - «Апрель» реабилитация үзәгендә балалар белән очрашу;
2. "Добрые крышечки" экологик акция;
3. 362 нче номерлы балалар бакчасында "Мин үскәч тылсымчы булам" исемле мастер - класс;
4. "Сыерчыкка - оя" акциясе;
5. "Батырлыкка һәрчак урын бар" - "Мәңгелек ут" обелиск территориясен чистарту (сквер Славы).
Әлеге марафонда катнашкан һәр укучыга зур рәхмәт!

Видеога сылтама: https://vk.com/club216931602?z=video-216931602_456239265%2Fcbc7c3bdc628e592cb%2Fpl_wall_-216931602