Ял көне булуга карамастан мәктәбебез бала-чага тавышыннан гөр килеп торды. Бөтен Рәсәй буенча чаңгыда шуучылар бәйрәме иде бүген.Укытучылар, ата-аналар, балалар рәхәтләнеп ял иттеләр.

4-9 февраль көннәрендә Шахмай урта мәктәбендә химия атналыгы үткәрелде. 8-11 сыйныфларның   җыелма командалары арасында уздырылган интеллектуаль уен балаларга аеруча ошады. 18 февраль көнне 9, 11 сыйныф укучылары Яңа Чишмә гимназиясендә КГТУ галимнәре оештырган "ачык ишекләр" көненә барачаклар.

Мәктәбебез укучылары кирәк вакытта бик теләп "Татарстан " агрофирмасына булышырга баралар. Менә 31 гыйнвар көнне 10 сыйныф укучылары бозаулар фермасына чыктылар.  Алар яшь терлекләргә көздән киптерелгән кычыткан, агач ботаклары ташыдылар. Ферма хезмәткәрләре аларның эшеннән бик канәгать калды.

25 гыйнварь көнне Шахмай  урта мәктәбенә район мәктәпләренең директорлары эшлекле методик практикумга  җыелдылар.

1-5 сыйныф укучылары өчен 29 декабрьдән 5 нче январьга кадәр "Кояшкай" мәктәп яны лагеры эшләде.Балалар лагерьга бик теләп  йөределәр, бик канәгать булдылар. Укытучылар да, балаларның ялын күңелле итеп оештыруга зур көч куйдылар

15 декабрь көнне район беренчелегенә волейбол ярышлары булып узды. Ярышта безнең егетләр командасы 1 нче урын, кызлар командасы 3 урынга лаек булды. Гомуми команда нәтиҗәләре буенча безнең команда 1 нче урында. Команда  тренеры Рөстәм Рәшитовичны, уенчыларны бу уңышлары белән чын күңелдән тәбрик итәбез.