1996/97 елгы укучылар  арасында Татарстан беренчелегенә үткәрелгән кул көрәше ярышында катнашып 1 нче урынны алучы - Кашапова Ландышны, 3 нче урынны алучы - Шәйхетдинов Динарны зур җиңүләре белән чын күңелдән котлыйбыз, уңышлар телибез.

23 нче март көнне "Олимп" спорт сараенда район күләмендә спартакида булып узды. Шахмай урта мәктәбе укучылары командасы җиңеп чыкты. Җиңүчеләрне уңышлары белән котлыйбыз, яңадан - яңа үрләр яулагыз, дуслар!

22 март көнне "Кошлар көненә" багышланган  "Иң матур җырчы кош"  дип исемләнгән кичә булды. Кичәдә 7 нче сыйныфның ике командасы ярышты. 5,6 нчы сыйныфлар - җанатарлар булдылар. Кичә күңелле үтте.

20 нче март көнне башлангыч сыйныф укучылары арасында үткәрелгән "Земля - планета загадок" исемле фәнни - тикшеренү конференциясенең йомгаклау этабы булды. Безнең мәктәптән "Бездә кышлаучы кошлар" эше белән Мирьякупова Әнисә (җитәкчесе - Әхмәтҗанова Ф.К.), "Кышкы чорда башлы суганны яшел кыяк итеп үстерү"  эше белән Шәйхетдинова Айсылу (җитәкчесе - Салахова Г.Ә.), "Салават күпере -  искиткеч могҗиза" эше белән Мирьякупов Рәшит (җитәкчесе - Салахова Г.Ә.) катнашты. Мирьякупов Рәшитнең эше 2 нче урынга лаек булды.

Әйе, кабатланмас балачак иленең иң шәп бәйрәмнәренең берсе -  Әлифба бәйрәме. Җир йөзендә кем генә булмасын, кайда гына хезмәт итмәсен, ул зул дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына аяк атлавы Әлифбадан башланган. Димәк, Әлифба китабы озын гомерле, тирән мәгънәле, бәһасез байлык ул.