24 май көнне һәр сыйныфта җәйге каникул вакытында куркынычсызлык кагыйдәләренә инструктажлар үткәрелде.

Башкорт халкының милли ризыкларыннан бай табынны карарга килгән район комиссиясе вәкилләре бик канәгать калдылар.

Бу көнне мәктәп укучылары Сабан туе мәйданына 80 төп тупыл һәм миләш агачлары утырттылар.Халкыбызның байлыгы булган урманнарны яклыйк, саклыйк һәм яратыйк. 

15 май көнне 16 сәгатьтә мәктәптә универсиадага багышланган "Спорт сөюче гаилә" дигән бик күңелле бәйрәм булып үтте. 12 гаилә көч сынашты. Бүләкләр алырга ярдәм итүче Абдуллин Рәкыйп Рифкать улына, Адиуллина Әминә Хафиз кызына, Шәйхетдинова Фидания Срур кызына, Багаутдинова Харидә Мөхәммәт кызына зур рәхмәтебезне белдерәбез.

15 май көнне 5-8 сыйныфларда экологик десант, 9-11 сыйныфларда экологик дәрес үткәрелде.

Без ел саен 9 нчы Май көнендә Бөек Җиңүгә багышланган бәйрәм парадын карарга барабыз. Анда күкрәкләренә орден-медальләр таккан чал чәчле ветераннарны күргәч, безгә тыныч тормыш бүләк иткән өчен рәхмәт хисе уяна. Чал чәчләреннән сыйпыйсы, дөньядагы иң матур сүзләр белән юатасы, мең рәхмәт әйтәсе килә аларга!

Тукайның тормышына һәм иҗатына багышланган "Тамчы - шоу" да  9- 10 сыйныфлардан 4әр укучы катнашты. 8 турдан торган  бәйгедә 32- 32 исәбе белән дуслык җиңде.

Парламент сәгате "Татарстан һәм Россиянең символлары" на багышланды. Анда Шахмай җирле узидарә сәркатибе - Нуруллина Г. катнашты.

22-27 апрель көннәрендә мәктәбебездә татар теле һәм әдәбияты атналыгы уздырыла.

22.04 - атналыкка старт, 23.04 - "Яшь программист" конкурсына 9 сыйныф укучылары Кашапова Л., Илалова Д., Лотфуллина А.  әзерләгән "Шушы җирдән, шушы туфрактан без" исемле презентация карау (җитәкчеләре - Гарифуллина Г.Г., 7-8 сыйныф укучылары өчен), 24.04 - Парламент сәгате (укытучы - Хәбибуллина Ә.Р.) - "Татарстан һәм Россиянең символлары", 25.04 - "Тукай безнең күңелләрдә" - 9-10 сыйныф укучылары өчен бәйге-тамчы-шоу, 26.04 - Тукай көненә карата  "Шигырь бәйрәме", 27.04 - 5-6 сыйныфлар өчен КВН "Тел иленә сәяхәт."

20 нче апрель көнне укучылар, укытучылар, мәктәптә эшләүче хезмәткәрләр өмәдә  тырышып эшләделәр. Юл буйлары, мәктәп тирәсе, авыл чүп - чардан чистартылды. Мәктәп дирекциясе зур оешканлык белән тырышып эшләгән өмәчеләргә зур рәхмәтен белдерә.