Һәр елны 26 нчы ноябрьдә бөтен ил буенча “Әниләр көне” билгеләп үтелә. Безнең мәктәбебездә 1 нче сыйныф укучылары әниләренә багышлап үз куллары белән бүләккә  чәчәк бәйләмнәрен ясадылар.

Син, әнием, минем өчен

Бу дөньяда бер генә.

Елмайганда йөзләреңнән

Бар өйгә нур бөркелә.

Укытучылар бу атнада укучыларның өйләрендә булдылар. Балаларның өйдә нәрсә белән шөгыльләнгәннәрен, көндәлек режимны үтәүләрен, өйгә бирелгән эшләрен кем белән һәм ничек әзерләүләрен тикшерделәр, аларның өйдәге тормышларына күзәтү оештырдылар.

9 нчы ноябрьдә "Без экстремизмга каршы"дигән темага ата- аналар алдында башлангыч сыйныф укытучысы Галимова З.В. доклад белән чыгыш ясады. Укытучылар укучыларның чирек билгеләре белән таныштырдылар.
 

Бүген безнең мәтәптә көзге өмә оештырылды. Уен мәйданчыгына ком тараттык. Өмә оешкан төстә узды.

4 нче ноябрь көнне бөтен Россия буенча Бердәмлек көне билгеләп үтелә. Без дә мәктәбебездә укучыларга бу бәйрәмнең тарихын сөйләдек. Бу тарихка кереп калган батырлар белән таныштырдык. укучыларның исләрендә ныграк калсын дип презентация дә кулландык. 

        Укучыларга дәүләт символлары (флаг,герб,гимн) турында аңлатылды.Балалар арасында шушы темага рәсем конкурсы үткәрелде. 

  Бүген мәктәбебездә Сөмбелә бәйрәме булып үтте. БалаларСөмбелә җибәргән биремнәрне бик теләп үтәделәр. Укытучы Галимова Зөлфия көз темасына багышланган бик матур презентация әзерләгән.Шушы презентацияне карап укучылар алган белемнәрен ныгыттылар Һәм алдагы дәресләрдә файдалану өчен күп мәгълүмат алдылар.

 Бүген  бездә  кунакта  әбиләр - дәү  әниләр .   Балалар  әбиләр хөрмәтенә   шигырьләр сөйдәделәр, җырлы – биюләрен, төрле  күңелле  уеннарын  тәкъдим иттеләр. “Оныгыңны кулларыннан таны”, “ Дәү әнигә эндәшү” уены, “ Безнең яшьлек елларыбыз” турында сөйләшү.Бу уеннар бәйрәмне җанландырып җибәрде. 

Безнең тәрбияләнүчеләребез олыларны хөрмәтләргә, аларга карата тупас мөгаләмәдә    булырга ярамаганлыгын, киреләнүнең  начар гадәт икәнен бик яхшы аңлыйлар.Олылар-дәү әниләрнең кадерле кешеләр булуларына нык төшенәләр.Бәйрәм чәй табыны янында дәвам итте.                        

       16 октябрь көнне Акъяр балалар бакчасында  чираттагы  ата-аналар җыелышы булды. Җыелышта балаларны бакчага йөртү, түләү мәсьәләләре каралды. 2013 нче елның 1 нче сентябреннән баланы бакчага йөрткән өчен түләү яңа тариф буенча саналачак. Шушы юнәлеш буенча да ата-аналарга аңлатып узылды. Ашату, чисталык, балаларның сәламәтлеге турында кайгырту мәсьәләләре дә каралды.

    Әти- әниләр җыелышта бик актив катнаштылар, үзләрен кызыксындырган сорауларны да бирделәр. Җыелыш җылы атмосферада үтте.

       1 нче октябрьдән Өлкәннәр ункөнлеге башланды. Өлкәннәрне хөрмәтләп мәктәп мәдәният йорты белән берлектә бәйрәм кичәсе үткәрде. Әби-бабайлар укучыларның чыгышыннан бик канәгать калдылар, укучыларга зур рәхмәтләрен һәм изге теләкләрен җиткерделәр.