Бабайларның алсу каны балкый

Җиңү кояшының нурында

Онытмадык,мәңге онытмабыз

Алар батырлыгы турында.

Зарланмый эшлибез эшләрне,

Эзләми беркем дә җиңеллек

Иң авыр эшләр дә шатлык ул

Илеңдә булганда иминлек.

Яшибез гел шулай кояшлы
Һәм тыныч көннәргә сөенеп.

Һәркемнең күңелендә бер теләк:

Иминлек! Иминлек! Иминлек!

         30 нчы апрель көнне мәктәп бакчасында средник  үткәрдек.Чәчәкләр утырту өчен җирне казып,тырмаладык.

Мәктәп директоры һәм укучылар  тарафыннан ,30 нчы апрель  көнне сугыш ветераннарының тол калган хатыннары йортына элмә такталар урнаштырылды.Аларны якынлашып килүче Җиңү бәйрәме белән котладылар.

  26 нчы апрель көнне  Габдулла Тукайның тууына 128 ел булды.Шул көнгә багышлап "Мәңге яшь Тукай"дигән презентация карадык. Укучыларыбыз Г.Тукай шигырьләрен сәнгатьле итеп сөйләделәр. Аннан соң  "Г.Тукайның балачагы һәм иҗаты" дигән темага дидактик уен оештырылды.Уенда балалар бик теләп уйнадылар,дәртләнеп сорауларга җавап бирделәр.

            26 нчы  апрель көнне мәктәп бакчасында язгы өмә дәвам итте.Бакчаны тырмалап  алма агачлары арасына, буш урыннарга печән чәчтек.

  Район башкарма комитеты тарафыннан игълан ителгән санитар- экологик чистарту буенча  икеайлык эше мәктәбебездә дәвам итә. Бу көнне мәктәп территориясе чистартылды.

   Бүген безнең мәктәпкә янгын куркынычсызлыгы  бүлеге  идарәсеннән вәкил килде.Ул балаларны язгы чорда янгын куркынычсызлыгы кагыйдәләре белән таныштырды.

        Без бүген мәктәп укучылары белән берлектә бакчада кардан ачылган урыннарны чүп-чардан арындырдык.Бу әле эшнең башы гына,алда эшләнәсе эшләр бик күп.