Укучыларга гриппка каршы вакцина ясалды 23.09.2019

                                                                                                            Хөрмәтле әти-әниләр!

Сонгы елларда балаларда грипп белэн чирләүчеләр бер очрак та  булмады.Прививка ясагач бөтенләй чирләмәү дигэнне аңлатмый, җиңел үткәрү булырга мөмкин. Грипп белэн ОРВИ ны бутамаска кирэк. Балаларыгызның сәламәтлеге сезнең кулда.Сау - сәламәт балалар үстерергэ, исән - имин укырга насыйп булсын.

     Фельдшер:Шэйдуллина З.И.

Читать новость

"Көз байлыклары" күргәзмәсенә эшләр көтәбез 23.09.2019

      Хөрмәтле укучылар, әти-әниләр!

Мәктәптә "Көз байлыклары" дигән иҗади эшләр күргәзмәсе оештырылды. Эшләрегезне 26 сентябрьгә кадәр тәкъдим итә аласыз. Нәтиҗәләрне "Уңыш бәйрәме"ндә ясыйбыз.

Читать новость

11 сыйныф укучысы Валиуллин Әмир һәм 2018 елгы чыгарылыш укучыбыз Ахмадуллина Фирүзәгә бадминтонда тиңнәр булмады! 22.09.2019

Бүген мәктәп спортзалында авыл җирлекләре арасында районкүләм бадминтон буенча ярыш узды. Безнең Кызыл Чапчак авыл җирлеген 11 сыйныф укучысы Валиуллин Әмир һәм 2018 елгы чыгарылыш укучыбыз Ахмадуллина Фирүзә яклады. Икесе дә бар көндәшләрен гел җиңеп барып, беренчелекне яуладылар.

Читать новость

"Велосипедта эшкә, укырга!" акциясендә катнашкан өчен Түбән Кама шәһәреннән бүләкләр килде 21.09.2019

 

Бүген укучылар, укытучылар өчен көтелмәгән, ләкин сөенечле чираттан тыш линейка үтте. Кичә "Эшкә, укырга велосипед белән!" акциясенең төп оештыручысы Рәис Шаехов Түбән Кама шәһәреннән үк килеп мәктәпкә бару өчен транспорт чарасы итеп 20 сентябрь көнне нәкъ менә велосипедны сайлаган укучы һәм укытучыларга бүләкләр кертеп чыкты. Алга таба үткәрелә торган шундый акцияләрдә катнашырга теләк белдерүчеләр тагын да күбрәк булыр дип өметләнеп калабыз! 

Читать новость

20 сентябрь - Бөтенрәсәй күләмендә "Эшкә, укырга велосипедта!" акциясе көне 20.09.2019

 Мәктәп күләмендә әлеге акциядә укытучылар да, укучылар да актив катнашты. 15 укытучының 13 е, 88 укучының 18 е эшкә, укырга велосипед белән килде. Шулай ук әти-әниләребез балалары белән бергәләп  "Велосипедта эшкә, укырга әти белән бергәләп!", "Гаилә белән велосипедны сайлыйбыз!" кебек ациядә дә катнаштылар.

Читать новость

#МойУчительРТ#МойлюбимыйучительРТ 19.09.2019

#МойУчительРТ#МойлюбимыйучительРТ
Безне рус теле һәм әдәбиятыннан Сәлимә апа Мәхмүтова укыта. Без, республикабызда дәүләт телләре рус һәм татар теле булганлыктан, рус телен дә камил белергә тиешбез. Шагыйрь Ш.Маннур язганча:
Татарча да яхшы бел,
Русча да яхшы бел.
Икесе дә безнең өчен
Иң кирәкле затлы тел.
Сәлимә апабыз безгә рус теленең бөтен нечкәлекләрен өйрәтә. Аның аркылы без рус халкының бөек шагыйрьләрен, язучыларын белдек. А.С.Пушкин, М.Ю.Лермонтов, С. Есенин, С.Я.Маршак шигырьләрен укыдык. Н.В. Гоголь, Н.А. Некрасов, Л.Н. Толстой әсәрләре белән таныштык. Без Сәлимә апаның дәресләрен яратабыз. Аның дәресләре бик җанлы үтә. Һәр дәрес саен яңа әсәрләр өйрәнәбез, сүзләрнең ничек язылышын, төзелешен беләбез. Рус теленең нинди бай тел булуын аңлыйбыз. Сәлимә апа үз эшен яратып башкара. Ул бездә рус теленә карата мәхәббәт тәрбияләп, башка телләрнең дә тормышта мөһим икәнлеген аңлатты.

Түбән Кама районының Югары Чаллы урта гомуми белем бирү мәктәбенең 8 сыйныф укучысы Курбанова Адилә

Читать новость

#МойУчительРТ#МойлюбимыйучительРТ 19.09.2019

#МойУчительРТ#МойлюбимыйучительРТ
Безнең сыйныф җитәкчебез - Мөслимә апа Шаймарданова. Ул безне татар теле һәм әдәбиятыннан укыта. Сыйныф җитәкчебез буларак Мөслимә апабыз бик кайгыртучан булды, безне гел барлап йөртә. Ул безнең икенче әниебез кебек. Үзе дә безне балалары шикелле ярата. Аның дәресләре һәрвакытта да бик эчтәлекле, җанлы үтә. Мөслимә апабыз аркылы без үзебезнең туган телебезне яратырга, сакларга өйрәнәбез. Шагыйрьләрне, язучыларны, аларның биографияләрен, тормыш юлларын, әсәрләрен укыйбыз. Ул бөек шагыйребез Г. Тукайның ничек ятимлектә үсүен, герой-шагыйрь М.Җәлилнең фашист концлагерында күргән газаплары турында сөйләгәндә күңелләр тула, күздән яшьләр килә иде. Йөрәктән чыккан сүзләр генә шулай йөрәккә үтеп керә ала. Үз эшенә чын күңелдән бирелгән, укучыларын яраткан укытучы гына алар күңеленә үтеп керә ала. Менә безнең Мөслимә апабыз шундый УКЫТУЧЫ! Без аның дәресләрен һәрвакыт көтеп алабыз, игътибар белән тыңлыйбыз. Аның кәефен төшермәс өчен үзебез дә тырышып укыйбыз, дәресләргә яхшы итеп әзерләнеп киләбез. Без аны бик яратабыз!

Түбән Кама районының Югары Чаллы урта гомуми белем бирү мәктәбенең 11 сыйныф укучысы Курбанова Алия

Читать новость

#МойУчительРТ#МойлюбимыйучительРТ 19.09.2019

#МойУчительРТ#мойлюбимыйучительрт Мәрьям апабыз безне математика фәненнән укыта. Математика фәне төгәл фән буларак бик зур тырышлык таләп итә. Шуңа күрә һәр дәресне, теманы яхшылап үзләштерергә, аңларга кирәк. Мәрьям апабыз үз фәнен бик яратып, һәрберебез дә төшенерлек итеп аңлата. Без аның дәресләрен бик игътибар белән тыңлыйбыз. Әгәр дә аңлашылып бетмәсә дәрестән соң килеп мөрәҗәгать итәбез. Ул беркемне дә кире бормый, сабыр гына аңлата, төшендереп бирә. Ул чын мәгънәсендә олы йөрәкле укытучы. Без аны бик яратабыз һәм хөрмәт итәбез.

Түбән Кама муниципаль районы Югары Чаллы урта гомуми белем бирү мәктәбенең 11 сыйныф укучысы Курбанова Алия

Читать новость

#МойУчительРТ#мойлюбимыйучительРТ 19.09.2019

#МойУчительРТ#мойлюбимыйучительРТ Мин үземнең беренче укытучым - Кадрия апа Миннегалиева турында язарга телим. Беренче укытучы һәрвакытта да күңелләрдә саклана, үзенә аерым урын алып тора. Бүгенгедәй хәтеремдә: беренче сыйныфка укырга кергәндә куркып кына килдем. Җитмәсә башка авылга бит әле. Таныш түгел апалар, балалар. Каушап та калдым. Сыйныфка кергәч якты итеп елмаеп Кадрия апа каршы алды. "Мин сезнең укытучыгыз булам,"- дип ягымлы итеп эндәшкәч бөтен каушауларым юкка чыкты. Беренче күрүдә үк күңелгә якын булып тоелды. Менә шулай мәктәпкә дә, сыйныфташларга да ияләшеп укып киттем. Кадрия апа безне хәрефләр танырга, хәрефләрдән иҗекләр, сүзләр төзергә, саннарны кушарга, алырга өйрәтте. Белем серләренә төшендерде. Аның аркылы без дөньяны тагын да ныграк танып белергә, үзебезне ничек тотарга, күркәм-әхлаклы булырга өйрәндек. Яңа ел кичәләре, 8 март бәйрәмнәре булганда бергәләп биергә, җырларга өйрәнә идек. Һәр бәйрәм уңаеннан концертлар куйдык. Кадрия апа безне һәрвакыт үз балалары кебек барлап йөртте. Беркемнән дә кыерсыттырмады. Минем балаларым диеп кенә йөрде. Олы сыйныфларга җитсәк тә, төрле сораулар белән аңа мөрәҗәгать итәбез. Ул бервакытта да безне кире бормый, киңәшләрен бирә, безнең турыда кайгыртып йөри. Шундый олы йөрәкле кеше инде ул безнең Кадрия апабыз! Мин аны бик яратам һәм хөрмәт итәм.

Түбән Кама муниципаль районы Югары Чаллы урта гомуми белем бирү мәктәбенең 8 нче сыйныф укучысы Курбанова Адилә.

Читать новость

"Минем яраткан укытучым" республикакүләм конкурсында укучыларыбыз актив катнашуын дәвам итәләр 18.09.2019

#МойУчительРТ#МойлюбимыйучительРТ Мәктәп ул - икенче өй дип әйтәбез. Чыннан да шулай. Анда безне икенче әниләребез кебек укытучыларыбыз каршы ала. Безнең сыйныф җитәкчебез - Халидә апа турында язасым килә. Халидә апабыз безне биология һәм география фәннәреннән укыта. Түбән сыйныфларда биологиядән үсемлекләрне, аларның төзелешләрен, ничек үрчүләрен өйрәнгән булсак, алга таба хайваннарның, бөҗәкләрнең, кошларның төзелешләрен һәм ничек туклануларын, кайларда яшәүләрен өйрәндек. География дәресләре дә бик эчтәлекле үтә. Ул безгә төрле илләрдәге тауларны, елгаларны, океан һәм диңгезләрне өйрәтә. Халидә апа кайсы гына ил, андагы табигать турында сөйләсә дә, үзебез дә шунда йөргән шикелле күз алдына китереп утырабыз. Чөнки ул безнең күңелләргә үтеп керерлек итеп аңлата. Халидә апабыз, кош үзенең балаларын ничек канаты астына җыеп саклый, безне дә шулай барлап йөртә. Безнең икенче әниебез ул! Без аны бик яратабыз һәм хөрмәт итәбез.

Түбән Кама районы Югары Чаллы урта гомуми белем бирү мәктәбенең 8 сыйныф укучысы Курбанова Адилә
#ВерхниеЧелны
#Нижнекамск
#Образованиенк

Читать новость