"Түбән Кама гүзәле -2019" конкурсының 1 этабының нәтиҗәләре билгеле булды. Мәктәп данын яклаучы Миннегалиева Гөлгенә финалга узган. 6 ноябрьдә узачак финалда 7 кыз көч сынашачак. Уңышлар!

Бүген 8-11 класс укучылары Финанс грамоталылыгы көне уңаеннан тарих һәм җәмгыять белеме укытучысы Нуруллина Г.Н. белән онлайн-дәрестә катнаштылар

9 октябрьдән укучыларда укытучы хезмәтенә карата хөрмәт тәрбияләү максаты белән республика күләмендә "Укытучы көне" акциясе уздырыла. Әлеге акция кысаларында 2 этажда "Директорга яки укытучыга сорау бир" дигән тартма куелды һәм теләгән барлык укучы күңелендә йөрткән сорауларын язып, әлеге куелган тартмага салдылар.

Бүген мәктәптә Югары Чаллы мәдәният йорты, авыл китапханәсе белән берлектә Өлкәннәр көне үтте. Кадерле өлкәннәребезне юнармияче укучы егетләр, кызларыбыз ишек төбеннән каршы алдылар һәм актлар залына кадәр озаттылар. Алар өчен эчтәлекле концерт әзерләнгән иде. Бәйрәм концертында өлкәннәребез үзләре дә җырлады, шигырьләр сөйләделәр. Аннан ашханәдә әзерләнгән бәйрәм табынында ашап-эчтеләр. 

Бүген Түбән Кама автошәһәрчегендә урнашкан "Велики" музеенда "Эшкә, укырга велосипед белән" акциясендә җиңүчеләрне бүләкләү тантанасы булды. Проект җитәкчесе Рәис Шаехов "Кече оешма" (10 кеше), "Урта оешма" (10-200 кеше) һәм "Зур оешма" (200-1000 кеше) категориясе буенча җиңүчеләргә диплом һәм "Спортмастер" кибетенең сертификатларын тапшырды. Шундый файдалы акцияне тиешле дәрәҗәдә күп көч куеп оештыручыларга бик зур рәхмәт. Алга таба эшкә, укырга велосипедта йөрүчеләр саны артсын иде дигән теләктә калабыз

Безнең чыгарылыш укучыбыз, хәзерге вакытта Түбән Кама медицина көллияте студенты «Сәламәтлек турында кайгыртып» һөнәри осталык конкурсында көмеш медаль яулаган.
Наталья Буланова 1000 сорау арасыннан очраклы рәвештә бирелгән 50 сорауга төгәл җаваплар биргән, «авыруга» диагноз куйган һәм ашыгыч ярдәм күрсәткән, нык авыручы кешенең туганнарына аны өй шартларында дәвалаганда нәрсәләргә игътибар итәргә кирәклеген сөйләгән. Болар барысы да - фельдшерлык практикасы элементлары, безнең шәһәрдәшебез бу өлкәдә белеменең югары булуын раслый алган.