Балалар белән һәрдаим табигатьтәге үзгәрешләрне күзәтәбез. Бәс сарган агачларны күзәтеп алар табигатьнең матурлыгына сокланалар, күзәтүчәнлекләре үсә.

Балаларыбыз кечкенәдән үк кошларны кайгыртырга өйрәнәләр. Кыш көне аларга азык табу авыр булганлыктан, җимлекләргә ипи валчыклары, ярмалар салалар.

Зурлар төркемендә "Көмеш кыңгырау" дип исемләнгән чыршы бәйрәме узды. Балалар Кыш бабайга үзләренең өйрәнгән һөнәрләрен күрсәттеләр. Кыш бабайдан алган күчтәнәчкә балалар аеруча сөенделәр.

Кечкенәләр төркемендә "Яна ел маҗаралары " исеме астында бәйрәм иртәсе булды. Балалар Кыш бабайга шигырьләр сөйләделәр, җырлар җырладылар, биеделәр. Бәйрәм уеннар белән бергә үрелеп барды. Балалар бик шат калды.

Бакчада әти-әниләр арасында Яна елга багышланган конкурс узды.  Кулдан ясалган чыршы, кар бабайлар, кар бөртекләре бүлмәнең бизәге булдылар.

Яна елны каршылап балалар белән бүлмәләрне бизәдек, тәрәзәләргә рәсемнәр төшердек.

Сизәсезме, җиһан буйлап

Яна ел атлап килә...

Балаларда яна ел бәйрәме рухы тудыру максатыннан бакчада кышкы фотозона ясадык.

12 декабрь - Россия Конституциясе көне уңаеннан  зурлар төркеме балалары белән әңгәмә үткәрелде.

Зурлар төркеме балалары белән Иске Карамалы постының МЧС хезмәткәре белән очрашу үтте. Ул балалар белән "Юка бозда " үзеңне тоту кагыйдәләре турында әңгәмә үткәрде.

Зурлар төркемендә "Бака-патшабикә" әкияте буенча әвәләү эшчәнлеге утте. Балаларны үзләренең эшләренең эчтәлеген уйларга, укыган әкият һәм караган рәсемнәрдән алган кичерешләрне эшләрендә чагылдырырга өйрәтү. Детальләрне төрле алымнар белән әвәләү күнекмәләрен ныгыту, төп сүрәтләрне өстәмә детальләр белән тулыландырырга өйрәтү.