Халыкара балаларны яклау көне уңаеннан, бакчабызда балалар өчен кече Сабантуй үткәрдек. Милли уеннарда балалар бик теләп катнаштылар һәм бәйрәмнән бик шат калдылар.

Бакчадагы чыгарылыш кичәсе - барлык бәйрәмнәр арасында иң дулкынландыргыч, иң онытылмаслык бәйрәм. Бәйрәм бик тәэсирле һәм җылы шартларда узды. Барлык балалар һәм ата-аналар исеменнән тәрбиячеләргә һәм бакча хезмәткәрләренә рәхмәт сүзләре әйтелде. Бәйрәм азагында балалар һавага шарлар очырдылар. Ак юллар сезгә, балалар!

Иске Карамалы мәдәният йорты каршында урнашкан обелиск янында Бөек Җиңүнең 81 еллыгы уңаеннан тантаналы митинг үтте. Безнең бакча коллективы һәм бакчада тәрбияләнүче балалар матур шигырьләр, җырлар белән чыгыш ясады. Илләребез тыныч, күкләребез аяз булсын!

Бакчабызның мәктәпкә әзерлек төркемендә тәрбияләнүче Ханнанова Мәликә "Мин- милләтемнең киләчәге, горурлыгы" муниципаль конкурсында җиңү яулады. Мәликәне чын күңелдән тәбрик итәбез!

27 нче апрель көнне районыбызда "Яшь бөреләр - 2026" районкүләм талантлы балалар фестиваленең Гала концерты узды. Бакчабыздан Ханнанова Мәликә һәм Гайрова Эльза "Вокаль-дуэт" номинациясендә II урынны яулады. "Вокаль-соло" номинациясендә Ханнанова Мәликә I урынга лаек булды.

7 нче апрель - Бөтендөнья сәламәтлек коне уңаеннан, бакчабыз белән "Сәламәтлеккә бер адым" акциясенә кушылдык. 

Бүген әниләр бәйрәме, 

Бүген җирдә тантана.

Кояш шуңа көлә бүген,

Гөлләр шуңа шатлана.

Тыныч булсын ил-көннәр,

Кояш нурларын сипсен.

Безнең һәрбер көнебез

Әтиләр белән үтсен.

Герой-шагыйрь Муса Җәлил атналыгы кысаларында балалар шагыйрьнең "Куян" шигыренә рәсем ясадылар.

Бакчада искечә Яңа ел бәйрәмен билгеләп үттек. Балалар шигырьләр сөйләп, җырлап, уеннар уйнап күңел ачтылар.