4 нче сыйныф укучысы Соломотин Рамазан “Ел укучысы” муниципаль конкурсының финал турына барды

2021 нче ел Татарстанда туган телләр һәм халыклар бердәмлеге елы буларак, авыл китапханәчесе Даутова Римма катнашында мәктәптә сыйныфтан тыш чара узды. Укучылар туган телдә сөйләшү, халыклар дуслыгы, җирлегебездә яшәүче милләтләр дуслыгы турында сөйләштеләр. Шигырьләр укыдылар.

Мөслим “Карлыгач” балалар бакчасында узган “Педагогның театр тубалы” (“Театральное лукошко педагога”) дип исемләнгән  иҗади эшләр смотр-конкурсының муниципаль турында тәрбиячеләребез Сәфәргалина Албина һәм Шәйгарданова Илүзә үзләренең  иҗат эшләрен тәкъдим иттеләр.

Башлангыч сыйныфлар өчен дәресләрдән соң  “Сәламәтлек сәгате” узды.  Укучылар кышкы паркны күзәттеләр.Тауда чаналарда шудылар, мишеньга кар йомарламнары аттылар.

Башлангыч мәктәпнең түбәсеннән кар төшерелде, отмоскалар кардан чистартылды.

Башлангыч сыйныф укучылары өчен “Әдәплелек кагыйдәләре” дигән темага класс сәгате узды.  Укучылар урамда, мәктәптә ничек үзеңне әдәпле тотарга икәнлекләрен искә төшерделәр, белемнәрен ныгыттылар.

Мәктәп директорыбыз Яббарова Синара Ягъфәр кызы  “Татар сүзе” республикакүләм бәйгедә катнашып,  Татарстан Республикасы Президенты каршындагы Татар телен саклау һәм үстерү мәсьәләләре комиссиясенең Рәхмәт хатына лаек булды.

Башлангыч сыйныф укучылары кошлар ашханәсендә булдылар. Балалар җимлеккә килгән кошларны күзәттеләр,  ипи валчыклары һәм ярмалар белән сыйладылар.

13 нче гыйнварь көнне укучылыр һәм мәктәпкәчә яшьтәге төркем балалары Иске Яңа ел бәйрәмен уздырдылар.Балалар шигырьләр сөйләделәр, җырлап, биеп күңел ачтылар.

Экологик тәрбия максатыннан балалар  кышкы паркка экскурсиягә чыктылар,җимлекләргә килгән кошларны күзәттеләр.  Җимлекләргә ипи валчыклары, ярмалар салдылар.