Укучыларыбыз “Соңгы кыңгырау” бәйрәменә әзерлек алып баралар.

“ Туган тел һәм халыклар бердәмлеге” елы кысаларында, Мөслим районында үткәрелгән,” Мөслим районы һәм көнчыгыш Татарстан: үткәннән –бүгенге көнгә” темасы астында бөтенроссия фәнни – гамәли, тарихи, туган якны өйрәнүчеләр конференциясендә башлангыч класслар укытучысы Гыймранова Г.В. “ Метрәй авылының мәгариф үсеше тарихы”, мәктәп директоры Яббарова С.Я. “ Метрәй авылына нигез салыну” темаларына чыгыш ясап, сертификатлар алдылар.

Һәркөнне  укучылары көче белән  агачларга һәм чәчәкләргә су сибү оештырыла.

Мәктәп яны тәҗрибә участогында мәктәбебез символы булган яран гөлләре һәм башка төрле чәчәкләр утыртылды.

Мәктәп ихатасына  чыршы һәм нарат үсентеләре утырту дәвам итә.

Районыбызда укытучылар өчен оештырылган ифтар мәҗлесендә 3 укытучыбыз катнашты.

Мәктәп яны тәҗрибә участогына укучылар һәм хезмәткәрләр көче белән 10 түтәл суган, 6 тутәл кишер, 5 түтәл чөгендер утыртылды.

7 нче май көнне Бөек Җиңүнең  76 еллыгына багышланган митингта чыгыш ясадык, һәйкәлгә венок салдык.

Май ялларына китү сәбәпле чираттан тыш линейка уздырылды. Укучылар  ял көннәрендә үз-үзеңне тоту, куркынычсызлык кагыйдәләре белән таныштырылды. Конкурсларда җиңгән укучыларга грамоталар тапшырылды.

“Чиста Мөслим” икеайлыгы кысаларында мәктәп ихатасына 30 төп  чыршы һәм нарат үсентеләре утырттык.