Тәрбиячеләр, әти-әниләр, балалар тарафыннан төшерелгән мультфильмнар, видеороликлар белән республика күләмендә үткәрелгән “Милли Мультифест” фестивалендә катнаштык. Актанышта үткәрелгән зона турына 5 эшебез үтте. Шунысы куанычлы, “Былтыр маҗаралары”, “Чуар тавык” һәм “Мәктәпкә әзерләнергә ярдәм ит!” дигән видеоязмалар Казанга  финал турына үттеләр.

Укучыларның үзләре язган мәкаләләре “Авыл утлары” гәҗитендә басылды. Класс сәгатендә укучылар үзләренең мәкаләләре белән таныштылар.

Туган телләр һәм халыклар бердәмлеге елы  уңаеннан “Татарстан - безнең уртак йортыбыз. Халыклар бердәмлеге, республиканың уникаль байлыгы буларак мәдәни һәм тел күптөрлелеге” дигән тема астында парламент дәресе үтте.

Башлангыч сыйныфларда “2021 нче ел – туган телләр һәм халыклар бердәмлеге елы” уңаеннан татар халкының бөек шагыйре  Муса Җәлилнең тууына 115 ел уңаеннан  чара узды.

Туган телләр һәм халыклар бердәмлеге елы  уңаеннан Әфган сугышы ветераны Ногманов Фәргат Фәһемулла улы белән онлайн-очрашу булды.

Хәрби –патриотик айлык кысаларында шашка, шахмат ярышларына әзерлек бара.

“2021 нче ел – туган телләр һәм халыклар бердәмлеге елы”  уңаеннан,  җирлек белән берлектә,  “Татарстанда чаңгы юлы-2021” ярышлары оештырдык. Ярышта укытучылар, тәрбиячеләр, мәктәп балалары да  актив катнашты.

“Цифрлы дәрес” кысаларында 2-4 нче сыйныф укучылары белән цифрлы җиһаз-җайланмаларны куркынычсыз кулланырга өйрәнү буенча дәрес узды. Балалар видеороликтан шәхси мәгълүматны сакларга, дөрес, куркынычсыз, тиешле урында гына куллана белергә, интернет челтәрдән дөрес файдаланырга, саклану чараларына өйрәнделәр, тренажерда өйрәнгәннәрен ныгыттылар.

“2021 нче ел – туган телләр һәм халыклар бердәмлеге елы” елы уңаеннан авыл мәдәният йорты китапханәчесе Римма Самигулла кызы балаларны райондаш әдипләребез китапларыннан төзелгән күргәзмә һәм туган телебез турында бөек шәхесләрнең әйтемнәре белән таныштырды.

Хәрби –патриотик айлык кысаларында укучылар белән марш атлап йөрү буенча өйрәнүләр үтә.